بۇل تۋرالى قازاقپارات dimashnews.com سايتىنا سىلتەمە جاساپ حابارلايدى.
مۇحتار اۋەزوۆتىڭ 125 جىلدىعىنا ارنالعان ءىس- شارا 16-قاراشادا وتكەن. كونفەرەنتسيا بارىسىندا قازاق ءتىلى ءپانىنىڭ وقىتۋشىسى، تۇركىتانۋ فاكۋلتەتىنىڭ اسپيرانتى مارسيا كاسترو بارشا قاتىسۋشىلارعا جازۋشىنىڭ ءومىر جولى مەن ايگىلى «اباي جولى» رومانى تۋرالى ماعلۇمات بەردى.
شارانى ۇيىمداستىرۋشىلار «قازاقستان- چيلي دوستىعى قوعامى» قۇرىلعانىن رەسمي تۇردە جاريالادى. بۇل تۋرالى بۇعان دەيىن قازاقستاننىڭ چيليدەگى ەلشىسى بولات ءنۇسىپوۆ مالىمدەگەن. چيليلىك جانكۇيەرلەر وزدەرىنىڭ ۇلتتىق ءبيىن - مۋزىكاسى مەن ءماتىنى وسى ماڭىزدى وقيعاعا ارنايى جازىلعان كۋەكانى ۇسىندى.
«ديماش ءارقاشان بۇكىل الەمنەن Dears تى قازاقستانعا قوناققا شاقىرادى، سوندىقتان ءبىزدىڭ «قازاقستان - باتىل حالىق» اتتى كۋەكامىز (ۇلتتىق بي) چيليدىڭ بارلىق جانكۇيەرلەرى ءۇشىن ماڭىزدى وقيعا بولدى. بۇل قۋەكا ءبىزدىڭ سۇيىكتى ورىنداۋشىمىزدىڭ وتانىنا ءبىر كۇنى بارۋ دەگەن اسىل ارمانىمىزعا بۇرىنعىدان دا جاقىنداعانىمىزدى سەزىندىرەدى»، - دەيدى جوبا اۆتورلارى كلاۋديا لوبوس پەن كارمەن ساندوۆال.
ۆيدەودان الىنعان كادر/dimashnews.com