دەپۋتات «قاراعاندى-بالقاش» تاس جولىنىڭ قۇرىلىسىن قارجىلاندىرۋ ماسەلەسىنە الاڭداۋلى. بۇل تاس جولدى سالۋدىڭ جوبالىق-سمەتالىق قۇجاتتاماسى 2016-2017-جىلدارى جاسالعان. قۇرىلىس 2020-جىلى اياقتالۋى كەرەك ەدى. بۇل فاكتور، سونداي-اق جول-قۇرىلىس ماتەريالدارى باعاسىنىڭ كەيىننەن كۇرت وسۋىنە، ناقتىلاي ايتقاندا الدىن الا ەسەپتەۋلەر بويىنشا قۇرىلىس جۇمىستارى قۇنىنىڭ 128 ميلليارد تەڭگەگە وسۋىنە اكەلدى.
سونىمەن قاتار، داۋرەن ادىلبەكوۆ قولدا بار قۇرىلىس ماتەريالدارىنا قاتىستى كوڭىل قۋانتپايتىن جاعدايدى دا اتاپ ءوتتى.
سەناتور سونىمەن قاتار قازىردىڭ وزىندە جۇرگىزىلگەن جۇمىستاردىڭ ناتيجەسىن جوعالتۋ قاۋپى جوعارى ەكەنىن اتاپ ءوتتى. مىسالى، قازىر اسفالت-بەتون جابىندىسىنىڭ تومەنگى قاباتى عانا توسەلگەن ۋچاسكەلەردە قوزعالىس اشىق تۇر. بۇل ونىڭ مىندەتتى تۇردە بۇزىلۋىنا، ياعني اسفالتتىڭ جوعارعى قاباتىن سالۋ كەزىندە پروبلەمالارعا اكەلىپ سوعادى.
دەپۋتاتتار قۇرىلىس جۇمىسىنىڭ بارىسىمەن جانە ۇسىنىلعان اقپاراتپەن جەرگىلىكتى جەردە تانىسقان كەزدە، جۇمىستىڭ 2023-جىلى جوسپارلانعان مەرزىمدە ءتيىستى ساپادا اياقتالۋى كۇمان تۋعىزدى.