الەكس ەسىمدى «ەۆەرتون» جانكۇيەرى 19-قاراشادا دوسىمەن بىرگە سىرا ىزدەپ ءجۇرىپ، ەكى كاتارلىق جىگىتتى كەزدەستىرگەن. ءسويتىپ جەرگىلىكتى تۇرعىندار قوناققا شاقىرعان.
«ءبىز Toyota Land Cruiser-گە مىندىك تە ۇلكەن ءبىر سارايعا باردىق. كەش ءزاۋلىم سارايدىڭ ارتىندا ءوتتى، ولار بىزگە ءوز مايمىلدارىن جانە ەكزوتيكالىق قۇستاردى كورسەتتى. سۇمدىق كەش بولدى»، - دەيدى فاناتتار.
سوسىن ساياحاتشىلار كوڭىل كوتەرۋ كەشىنەن سۋرەتتەردى الەۋمەتتىك جەلىگە جۇكتەگەن. ونداعى ءبىر سۋرەتتە ۇلى بريتانيالىق جىگىتتىڭ كاتارلىقتاردىڭ اراسىندا وتىرعانى بايقالادى. تاعى ءبىر سۋرەتتە شەتەلدىك ازامات ارىستاننىڭ بالاسىن سيپاپ وتىرعانى بەينەلەنگەن.
«تۇندە ءبىز شەيحتىڭ ۇلدارىنىڭ ءبىرىن كەزىكتىردىك، ول ءبىزدى ۇيىنە شاقىرىپ، ارىستاندارى مەن باسقا دا ەل تاڭعالارلىق دۇنيەلەرىن كورسەتتى»، - دەدى ەكىنشى ساياحاتشى.