قازاقستاندا اقىلى جولداردىڭ باعاسى وزگەرەدى

استانا. قازاقپارات - ەلىمىزدە جىل سوڭىنا دەيىن اقىلى جولداردىڭ تاريفى وزگەرەدى.

سونىمەن قاتار ەكىنشى دەڭگەيلى اۆتوجولداردىڭ كەيبىرىن اقىلى ەتۋ جوسپارلانعان. اتالعان دەرەكتى اۆتوموبيل جولدارى كوميتەتىنىڭ ءتوراعاسى تولەگەن ابدۋللين ءبولىستى، دەپ حابارلايدى قازاقپارات ءتىلشىسى.

«قازىر رەسپۋبليكا بويىنشا 2,2 مىڭ شاقىرىمدى قۇرايتىن 11 اقىلى جول ۋچاسكەسى بار. اقىلى جولداردىڭ تاريفى 2013-2021-جىلدار ارالىعىندا كەزەڭ-كەزەڭىمەن ەنگىزىلدى. 2013-جىلى العاش «استانا-چۋچينسك» تاسجولى اقىلى بولدى. بيىل جىل سوڭىنا دەيىن كولىك قۇرالدارىنىڭ بارلىق تۇرلەرىنە جاڭا ابونەنتتىك تولەم ەنگىزىلەدى»، - دەدى تولەگەن ابدۋللين و ك ق- دە وتكەن بريفينگتە.

- جەڭىل اۆتوكولىكتەر - 1 جىلعا 1000 تەڭگە؛

- 16 ورىنعا دەيىنگى اۆتوبۋستار جانە 2,5 تونناعا دەيىنگى جۇك كولىكتەرى - ايىنا 2 ا ە ك، جىلىنا 20 ا ە ك؛

- 32 ورىنعا دەيىنگى اۆتوبۋستار جانە 5,5 تونناعا دەيىنگى جۇك كولىكتەرى - ايىنا 4 ا ە ك، جىلىنا 40 ا ە ك؛

- 32 ورىننان جوعارى اۆتوبۋستار جانە 10 تونناعا دەيىنگى جۇك كولىكتەرى - ايىنا 6 ا ە ك، جىلىنا 60 ا ە ك؛

- 15 تونناعا دەيىنگى جۇك كولىكتەرى - ايىنا 8 ا ە ك، جىلىنا 80 ا ە ك؛

- 15 توننادان استام جۇك كولىكتەرى - ايىنا 10 ا ە ك، جىلىنا 100 ا ە ك.

«ايتا كەتۋ كەرەك، ابونەنتتى ءسىزدىڭ كولىگىڭىز اقىلى جولدارعا ىرگەلەس ەلدىمەكەندەر مەن كەنتتە ەسەپتە تۇرعان جاعدايدا عانا رەسىمدەۋگە بولادى. ابونەمەنتتى رەسىمدەۋ ءتارتىبى جاقىن ارادا «قازاۆتوجول» ۇلتتىق كومپانياسىنىڭ رەسمي سايتىنا شىعادى. 2023-جىلى قولدانىستاعى تاريف بويىنشا نورماتيۆتىك جاعدايىنا قاراي 2,5 مىڭ ەكىنشى تەحنيكالىق ساناتتاعى تاسجولدى اقىلى ەتۋ جوسپارلانىپ وتىر»، - دەيدى كوميتەت باسشىسى.