قازاقستان مەن ب ا ءا اراسىنداعى ەكونوميكالىق ىنتىماقتاستىققا ارنالعان قۇجات ماقۇلداندى

استانا. قازاقپارات - ءماجىلىستىڭ جالپى وتىرىسىندا «قازاقستان رەسپۋبليكاسىنىڭ ۇكىمەتى مەن بىرىككەن اراب امىرلىكتەرىنىڭ ۇكىمەتى اراسىنداعى ينۆەستيتسيالاردى كوتەرمەلەۋ جانە ءوزارا قورعاۋ تۋرالى كەلىسىمدى راتيفيكاتسيالاۋ تۋرالى» زاڭ جوباسى ماقۇلداندى، دەپ حابارلايدى قازاقپارات ءتىلشىسى.

«قازاقستان رەسپۋبليكاسى مەن بىرىككەن اراب امىرلىكتەرى اراسىنداعى ىنتىماقتاستىق جىل سايىن كوپتەگەن سالا بويىنشا كەڭەيىپ كەلەدى. ەلدەر اراسىنداعى تاۋار اينالىمى 2022-جىلدىڭ 9 ايىندا 558 ميلليون ا ق ش دوللارىن قۇراسا، ب ا ءا- دەن كەلگەن ينۆەستيتسيالار اعىنى بيىلدىڭ ءبىرىنشى جارتىجىلدىعىندا 2021-جىلدىڭ سول كەزەڭىمەن سالىستىرعاندا 2 ەسە ءوسىپ، 128,7 ميلليون ا ق ش دوللارىن قۇرادى. جالپى، 2005-جىلدان باستاپ 2022-جىلدىڭ ءبىرىنشى جارتىجىلدىعىنا دەيىن ب ا ءا- دەن كەلگەن تىكەلەي شەتەلدىك ينۆەستيتسيالار اعىنى 2,9 ميلليارد ا ق ش دوللارىنا جەتتى»، - دەدى ق ر سىرتقى ىستەر ءمينيسترىنىڭ ورىنباسارى رومان ۆاسيلەنكو.

ونىڭ ايتۋىنشا، 2022-جىلدىڭ 1- قاڭتارىنداعى مالىمەتتەرگە سايكەس، قازاقستاندا بىرىككەن اراب امىرلىكتەرى كاپيتالىنىڭ قامتىلۋى اياسىندا 371 زاڭدى تۇلعا تىركەلگەن. بۇگىنگى تاڭدا 5,3 ميلليارد ا ق ش دوللارى سوماسىن قۇرايتىن 28 جوبا ىسكە اسىرىلۋ ساتىسىندا.

«ەكى ەلدىڭ ينۆەستورلارىن قورعاۋ جانە قولداۋ كورسەتۋ ماقساتىندا ەكى ەل اراسىنداعى ينۆەستيتسيالار ءوسىمىنىڭ ەلەۋلى الەۋەتىن ەسكەرە وتىرىپ، 2018-جىلعى 24- ناۋرىزدا قازاقستان رەسپۋبليكاسى مەن بىرىككەن اراب امىرلىكتەرىنىڭ ۇكىمەتتەرى اراسىندا ينۆەستيتسيالاردى كوتەرمەلەۋ جانە ءوزارا قورعاۋ تۋرالى كەلىسىمگە قول قويىلدى. كەلىسىم ينۆەستيتسيالىق احۋالدى جاقسارتۋعا جانە ەلدەر اراسىنداعى ءوزارا ءتيىمدى ساۋدا-ەكونوميكالىق ىنتىماقتاستىقتى ودان ءارى دامىتۋعا ىقپال ەتەدى. تۇتاستاي العاندا، جوبانى قابىلداۋ رەسپۋبليكالىق بيۋدجەتتەن تەرىس الەۋمەتتىك-ەكونوميكالىق جانە قۇقىقتىق سالدارعا، سونداي-اق قارجىلىق شىعىندارعا اكەپ سوقپايدى»، - دەدى ءمينيستردىڭ ورىنباسارى.