قورعاستا كورمە اشىلىپ، باقتى وتكەلىندە ساۋدا قاۋىرت جۇرۋدە

استانا. قازاقپارات - «قورعاس» حالىقارالىق شەكارا ماڭى ىنتىماقتاستىعى ورتالىعىندا» ورتالىق ازيا اۆتوموبيل كورمەسى جانە ساۋدا ورتالىعى اشىلدى، دەپ حابارلايدى قازاقپارات قىتايدىڭ «حالىق» گازەتى اقپاراتتىق پورتالىنا سىلتەمە جاساپ.

اتالعان ب ا ق-تىڭ مالىمەتىنشە، مۇندا ەركىن ساۋدا ايماعىنىڭ كەدەندىك قاداعالاۋ ساياساتىنا سۇيەنە وتىرىپ، «اۋە جانە جەرۇستى كوپىرى» ەكسپورتتىق رەجيمى پايدالانىلادى. ءسويتىپ، كولىكتەردىڭ ترانسشەكارالىق ەكسپورتىندا يۋانمەن ەسەپ ايىرىسۋ ساۋداسىن جاقسارتۋ، كوممەرتسيالىق كولىكتەردىڭ بۇكىل ەكسپورتتىق جۇيەسىن جاڭارتۋدى جەدەلدەتىپ، قىتاي مەن قازاقستانعا، ورتالىق ازياعا اۆتوموبيلدەردى شىعارۋ جانە ىسكەرلىك ساتۋ ىنتىماقتاستىعى پلاتفورماسىن جاساعان.

«وسى جىلدان باستاپ «قورعاس» پورتىنان ەكسپورتتالعان كوممەرتسيالىق كولىكتەردىڭ سانى تۇراقتى ءوسۋ تەندەنسياسىن كورسەتتى جانە قازىرگى ۋاقىتتا 30000 نان استى. ونىڭ ىشىندە 760 تان استامى «اۋە جانە جەرۇستى كوپىرى» رەجيمىندە ەكسپورتتالدى. ورتالىق ازيا اۆتوموبيل كورمە جانە ساۋدا ورتالىعىنىڭ رەسمي اشىلۋى قىتاي مەن شەتەلدىڭ اۆتوموبيل كومپانيالارىن «قورعاستاعى» وڭتايلى بيزنەس ورتامەن، كەڭ دامۋ پلاتفورماسىمەن جانە ءتيىمدى باسقارۋ مودەلىمەن ىنتىماقتاسۋعا جول اشادى»، - دەپ جازادى قىتايلىق باسىلىم.

سونىمەن قاتار، قىتايدىڭ «حالىق» گازەتىنىڭ جازۋىنشا، قازاقستان- قىتاي شەكاراسىنداعى «باقتى» وتكەلىندە دە يمپورت پەن ەكسپورت ساۋداسى قاۋىرت ءجۇرىپ جاتىر.

ماسەلەن، «باقتى» وتكىزۋ شەكارالىق بەكەتىنىڭ مالىمەتتەرى بويىنشا، وسى جىلدىڭ قاڭتار- قازان ارالىعىندا وسى پۋنكتەن 265000 توننا تاۋار (جالپى يمپورت- ەكسپورتتى قوسا العاندا) وتكەن. بۇل كورسەتكىش بىلتىرعى سايكەس كەزەڭمەن سالىستىرعاندا S,97 عا ارتىق. ال، يمپورت پەن ەكسپورت كولەمى 1,67 ميلليارد ا ق ش دوللارىنا جەتىپ، ول دا وتكەن سايكەس كەزەڭمەن سالىستىرعاندا #,34 عا ۇلعايعان. بيىلعى جىلدىڭ سوڭىنا دەيىن يمپورت پەن ەكسپورتتىڭ جىلدىق كولەمى 300000 توننادان اسادى دەگەن بولجام بار.

«حالىق» گازەتىنىڭ دەرەگىنشە، بۇل - 1990 -جىلى «باقتى» وتكەلى اشىلعاننان بەرگى ەڭ جوعارعى كورسەتكىش.

اۆتور

بەيسەن سۇلتان