ميدىڭ جۇمىسىن باياۋلاتاتىن تاعامدار اتالدى
«ميدىڭ جۇمىسىن جاقسارتۋ ءۇشىن تۇزدالعان قىزاناق، قيار، ىستالعان ەت، شۇجىق ونىمدەرىن پايدالانۋدى شەكتەۋ كەرەك. تۇز اعزاداعى سۇيىقتىقتى ساقتاپ، قان تامىرلارىنىڭ ىسىنۋىنە اكەلەدى. ال ميداعى قان اينالىمىنىڭ ناشارلاۋى، ونىڭ قىزمەتىن باياۋلاتادى. سونىمەن قاتار، ميعا زيان زاتتار قاتارىندا قانت تا بار. بۇل ونىمدەردى شامادان تىس تۇتىنۋ اقپاراتتى اسسيميلياتسيالاۋ جانە زەيىننىڭ جوعالۋى سەكىلدى پروبلەمالاردى تۋدىرادى»، - دەپ ءتۇسىندىردى رەسەيلىك ەندوكرينولوگتار قاۋىمداستىعىنىڭ جانە ەۋروپالىق قانت ديابەتىن زەرتتەۋ قاۋىمداستىعىنىڭ (EASD) مۇشەسى، ديەتولوگ ەلەنا ەۆدوكيموۆا.
دارىگەردىڭ ايتۋىنشا، تەز سىڭەتىن تاعامدار، كونديتەرلىك ونىمدەر، ۇننان جاسالعان تاعامدار، ءتاتتى گازدالعان سۋسىندار دا ميعا زيان تيگىزۋى مۇمكىن. ولار دەنەگە وڭاي ءسىڭىپ، قانداعى قانت پەن ينسۋليننىڭ كۇرت ءوسۋىن تۋدىرادى. بۇل سەمىزدىككە اپارۋمەن شەكتەلمەي، ميدى وتتەگىمەن قامتاماسىز ەتۋدى بۇزادى.
«الكوگول ونىمدەرى دە مي ءۇشىن قاۋىپتى. ول اعزا جاسۋشالارىنىڭ جۇمىسىنا كەدەرگى كەلتىرىپ، جۇيكە جۇيەسىنىڭ جۇمىسىن جانە اقىل-وي بەلسەندىلىگىن، ەستە ساقتاۋ قابىلەتىنىڭ بۇزىلۋىنا ىقپال ەتەدى. الكوگولدى ءجيى تۇتىنۋ ەرتە قارتايۋعا الىپ كەلەدى»، - دەيدى ديەتولوگ ەۆدوكيموۆا.
«جۇمىرتقا، كاكاو، سۋ، كوك شاي، تۇتاس ءداندى نان، ءسابىز، قىزىلشا، زىعىر مايى ميعا پايدالى. ولار ميدى قۋاتتاندىرىپ، جۇمىسىن جاقسارتادى، جۇيكەنى تىنىشتاندىرادى»، - دەپ قورىتىندىلادى ديەتولوگ.