ادامنىڭ كوزىنە قاراپ قانشا جىل ءومىر سۇرەتىنىن بىلۋگە بولادى

استانا. قازاقپارات - ادام ەگدە تارتىپ، قارتايعان سايىن «كوزىنەن ايىرىلاتىنى» بەلگىلى.

كوز كورۋ ناشارلايدى. كوزدىڭ جانارى كەتەدى. سوندىقتان كوزدى ساقتاۋ ادام ءۇشىن وتە ماڭىزدى.

ودان بولەك، كوزدىڭ جانارىنا قاراپ-اق ادامنىڭ قانشا جىل عۇمىر كەشەتىنىن بىلۋگە بولاتىن كورىنەدى.

عالىمداردىڭ ايتۋىنشا، كوزى اۋىراتىن ادامنىڭ عۇمىرى قىسقا بولاتىن كورىنەدى. ال كوزى ءالى اۋرۋعا شالدىعا قويماعان ادامنىڭ ءومىر-جاسى ءبىرشاما ۇزاق بولماق.

اسىرەسە، كوزى شەل باسۋعا شالدىققان، كوزدىڭ تور قابىعى بولىنە باستاعان ادامنىڭ ءومىرى ۇزاققا سوزىلمايتىن كورىنەدى. كوزدىڭ بۇلاي ناشارلاۋىنا بۇكىل اعزا اسەر ەتەدى. ادام اعزاسىنىڭ شارشاعانىن كورسەتسە كەرەك. زەرتتەۋگە سايكەس، مۇنداي ادامداردىڭ كوبى جۇرەك اۋرۋلارىنان قايتىس بولعان.

مۇنى عالىمدار 55-81 جاستاعى 4757 ادامعا تاجىريبە جۇرگىزۋ ارقىلى انىقتاعان. اراسىندا كوزى ساۋ ادامدار دا بار. التى جىلدىڭ ىشىندە كوزى اۋىراتىنداردان 534 ادام قايتىس بولادى. زەرتتەۋ بارىسىندا كوز اۋرۋىنا شالدىققانداردىڭ 41 پايىزى كوز جۇمعان.

عالىمداردىڭ ايتۋىنشا، ادامنىڭ جۇرەك-قان جۇيەسى بۇلىنە باستاعان ساتتە كوزدىڭ كورۋى دە ناشارلاماق. سوندىقتان ادامنىڭ كوزىنە قاراپ جۇرەك اۋرۋلارىن انىقتاۋعا بولاتىن كورىنەدى.

ماسساگەت