مەكتەپ فورماسىن ساتىپ الاتىن سيفرلىق پلاتفورما ازىرلەنۋدە
اتالعان جوبانى مەملەكەت باسشىسى قاسىم- جومارت توقايەۆتىڭ وتاندىق جەڭىل ونەركاسىپتى دامىتۋ اياسىندا مەملەكەتتىك تاپسىرىستاردى مەكتەپ فورماسىن ساتىپ الۋعا باعىتتاۋ تاپسىرماسىنا سايكەس جۇزەگە اسىرۋ كوزدەلىپ وتىر.
اتالعان پيلوتتىق جوبانى الدىمەن استانا قالاسىندا، كەيىن ەلىمىزدىڭ بارلىق وڭىرىندە ەنگىزۋ جوسپارلانعان.
«قازىرگى ۋاقىتتا «الەۋمەتتىك ءاميان» پلاتفورماسى ارقىلى اتا- انالارعا بەلگىلى ءبىر دۇكەندەردە مەكتەپ فورماسىن ساتىپ الۋعا كەپىلحات بەرۋ ماسەلەسى قاراستىرىلۋدا. سونداي- اق وتاندىق تاۋار وندىرۋشىلەرگە مەكتەپ فورماسىن ساتۋ ءۇشىن جەڭىلدىكتى شارتتارمەن ساۋدا نۇكتەلەرى ۇسىنىلعانى ءجون. وسىعان بايلانىستى وتاندىق تاۋار وندىرۋشىلەردىڭ ءتىزىلىمىن قالىپتاستىرۋ قاجەت، باستى تالاپتاردىڭ ءبىرى - ۇلتتىق ستاندارتتارعا سايكەس ءونىم ءوندىرىسىن انىقتاۋ»، - دەدى يندۋستريالىق دامۋ كوميتەتىنىڭ ءتوراعاسى ءىلياس وسپانوۆ.
جوبا ناتيجەسىندە بيۋدجەت قاراجاتىن نىسانالى ماقساتى بويىنشا جۇمساۋدىڭ اشىقتىعى قامتاماسىز ەتىلەتىن بولادى. سونداي- اق مەكتەپ فورماسىن شىعارۋ باعىتىنداعى وتاندىق ءوندىرىس كولەمىن ارتتىرۋعا ىقپال ەتەدى.