قازاقپارات ۆەدومستۆونىڭ رەسمي تۇسىنىكتەمەسىن جاريالايدى.
ە ق ى ۇ د ي ا ق ب- تىڭ 2022-جىلعى قازاقستانداعى پرەزيدەنتتىك سايلاۋدى باقىلاۋ جونىندەگى ميسسياسىنىڭ الدىن الا ناتيجەلەرى مەن تۇجىرىمدارى تۋرالى مالىمدەمەدە وبەكتيۆتىلىكتىڭ جوقتىعى بايقالادى جانە وسى ۋاقىتقا دەيىن رەسپۋبليكامىزدىڭ قولداۋىنا يە بولعان ۇيىم ماڭىزدى ينستيتۋت رەتىندە د ي ا ق ب تيىمدىلىگىنە كۇمان تۋعىزادى.
دەموكراتيالىق ينستيتۋتتار جانە ادام قۇقىقتارى جونىندەگى بيۋرو (د ي ا ق ب) ە ق ى ۇ- عا مۇشە مەملەكەتتەردىڭ ولاردىڭ قىزمەتىندە «ادام قۇقىقتارى مەن نەگىزگى بوستاندىقتارىن تولىق ساقتاۋدى قامتاماسىز ەتۋگە، زاڭ ۇستەمدىگى نەگىزىندە ارەكەت ەتۋگە جانە دەموكراتيا قاعيداتتارىن جۇزەگە اسىرۋعا» باعىتتالعان قىزمەتىنە كومەك كورسەتۋ مانداتى بار ەكەنى ءمالىم (1992-جىلعى حەلسينكي قۇجاتى).
مالىمدەمە ە ق ى ۇ د ي ا ق ب ءۇشىن داستۇرگە اينالعان بەيتاراپ تۇجىرىمداردىڭ ترافارەتتى جانە ءبىرجاقتى قورىتىندىلاردى قامتيدى جانە ەلىمىزدەگى ىشكى جاعدايدى تولىق تۇسىنبەيتىنىن كورسەتەدى.
ە ق ى ۇ دياقب بايقاۋشىلار توبى مەن ونىڭ باسشىلىعىنىڭ قىزمەتى قازاقستان پرەزيدەنتىنىڭ ەلىمىزدى ترانسفورماتسيالاۋعا، ونى قۇقىقتىق دامىعان وزىق قوعامعا اينالدىرۋعا باعىتتالعان رەفورمالارىنا قارسى دوستىق ەمەس كوزقاراستى ايقىن كورسەتتى.
ە ق ى ۇ د ي ا ق ب ميسسياسىنىڭ دالەلسىز جانە فاكتىلەرمەن راستالماعان ايىپتاۋ مالىمدەمەسى سايلاۋدى باقىلاعان بارلىق بەدەلدى حالىقارالىق ۇيىمداردىڭ قورىتىندىسىنا سايكەس كەلمەيدى، بۇل ونىڭ ءبىرجاقتىلىعىن تاعى دا كورسەتەدى.
ە ق ى ۇ د ي ا ق ب مالىمدەمەسىنىڭ مازمۇنى قازاقستان بيلىگىمەن ۇزاق مەرزىمدى جانە سىندارلى ىنتىماقتاستىقتى دامىتۋعا ۇمتىلىستىڭ جوقتىعىن كورسەتەدى جانە بۇل مىندەتتى تۇردە بىزبەن ەسكەرىلەدى.