«ۋرانعا سۇرانىس ارتاتىنىن، كوپتەگەن رەاكتوردىڭ قۇرىلىسى جوسپارلانعانىن ەسكەرسەك، «قازاتومونەركاسىپ» كومپانياسى قول قۋسىرىپ وتىرمايدى. ءبىز كەيىنگى 10 جىلداعى ەڭ ءىرى ءوندىرۋشى بولىپ ەسەپتەلەمىز. بىزدە ەكولوگيالىق تۇرعىدا ەڭ تازا تەحنولوگيا قولدانىلادى - جەراستى ۇڭعىماسىندا شايۋ ءتاسىلى»، - دەدى اسقار باتىربايەۆ.
كومپانيا وكىلى ەلدەگى بارلانعان ۋراننىڭ قورى تۋرالى مالىمەت كەلتىردى.
«قازاقستانعا الەمدەگى ۋراننىڭ 12 پايىزى تيەسىلى. بۇل كورسەتكىش بويىنشا ول الەمدە ەكىنشى ورىندا. بارلانعان ۋراننىڭ كولەمى - 625 مىڭ توننا، ال جالپى قور - شامامەن 785 مىڭ تونناداي. قازىرگى ءوندىرىس قارقىنى ساقتالسا، بۇل قور ۋران ءوندىرىسىنىڭ كولەمىن 2021-جىلعى دەڭگەيدە 30 جىل بويى ساقتاپ تۇرۋعا جەتەدى»، - دەپ اتاپ ءوتتى «قازاتومونەركاسىپ» وكىلى.
اسقار باتىربايەۆ رەسەي فەدەراتسياسىنىڭ سوچي قالاسىندا ءوتىپ جاتقان «اتوم ەكسپو-2022» حالىقارالىق فورۋمىندا ونلاين-كورسەتىلىم ارقىلى ءسوز سويلەدى.