ايتۋىنشا، كەشە وتكەن ساياسي وقيعادا احۋالدى ورتالىقتار جۇمىس ىستەگەن.
سايلاۋدا احۋالدى ورتالىقتار بەلسەندى جۇمىس اتقاردى. وعان ناقتى ۋاقىت رەجىمىندە اقپاراتتار جىبەرىلىپ وتىردى. ءبىز ونى وڭدەپ، تالداپ، بىردەن ءوزىمىزدىڭ شەشىمدەرىمىزدى شىعاردىق. جالپى العاندا، ءبىزدىڭ بايقاۋشىلارىمىز تەك قانا سايلاۋشىلاردىڭ كوپتىگىن عانا ەمەس، بايقاۋشىلاردىڭ دا كوپ بولعانىن اتاپ ءوتتى. ءبىزدىڭ مالىمەتىمىزگە سايكەس، ەلىمىزدەگى ءاربىر سايلاۋ ۋچاسكەسىندەگى جۇمىستى قاداعالاۋعا ورتا ەسەپپەن بەستەن جەتى بايقاۋشىعا دەيىن قاتىسقان. بۇل دەگەنىمىز ازاماتتىق قوعامنىڭ، حالىقتىڭ ەلەكتورالدىق مادەنيەتىنىڭ ءبىر كورسەتكىشى دەپ بىلەمىز، - دەدى تولەگەن كۇنادىلوۆ.
دەگەنمەن، سايلاۋ كۇنى سايلاۋدىڭ اشىق، ءادىل جانە دۇرىس وتۋىنە كەدەرگى جاسايتىن زاڭ بۇزۋشىلىقتار تىركەلگەن جوق. ءبىراق ءبىزدىڭ بايقاۋشىلارىمىز ەكى زاڭ بۇزۋشىلىقتى انىقتادى. ونىڭ بىرەۋى — قاراعاندى وبلىسىندا بولسا، ەكىنشىسى استانادا قالاسىندا ورىن العان. ياعني ءبىر سايلاۋشىعا ەكى بيۋللەتەن بەرۋ فاكتىسى انىقتالدى. استانادا داۋىس بەرۋگە بارعان بەلگىلى ءانشى دوسىمجان تاڭاتاروۆ ءوز بيۋللەتەنىن وتكىزىپ قويعان سوڭ «تاعى ءبىر بيۋللەتەن بەرىڭىزشى، مەن سۋرەتكە ءتۇسىپ، قايتادان بەرەم» دەگەن. كوميسسيا مۇشەسى كوڭىلىن قيماي بيۋللەتەندى بەرگەن. ءبىراق بارلىق ازامات زاڭ الدىندا بىردەي. زاڭ بۇزامىن دەگەن ارام نيەت بولماعان. الايدا بايقاۋشىلارىمىز ونى تىركەپ، اكت جازىپ، حاتتاما تولتىرىپ، دەرەۋ سول بيۋللەتەن جويىلدى، - دەدى قوعامدىق بىرلەستىك باسشىسى.
ەسكە سالا كەتەيىك، بۇعان دەيىن تولەگەن كۇنادىلوۆ سايلاۋدا 22 مىڭنان استام بايقاۋشى جۇمىس ىستەگەنى تۋرالى ايتقان بولاتىن.