«ادامداردا ءتۇرلى تاماقتانۋ ادەتى بار. كەيبىر ادەتتەر دەنساۋلىقتىڭ بۇزىلۋىنا جانە ءال-اۋقاتتىڭ ناشارلاۋىنا اكەلەدى»، - دەيدى ديەتولوگ نيدحي شارما.
تاماقتان كەيىن جاساۋعا بولمايتىن 8 ادەت:
تاماقتانعاننان كەيىن بىردەن دۋش قابىلداۋعا بولمايدى. تاماقتانعاننان كەيىن اسقازانعا قان بارىپ، ول اس قورىتۋعا كومەكتەسەدى. ال ءدال وسى ساتتە دۋشقا بارساڭىز دەنە تەمپەراتۋراسى وزگەرىپ، قان تەرىگە اعىپ كەتەۋى مۇمكىن. بۇل اس قورىتۋدىڭ بۇزىلۋىنا، باياۋلاۋىنا اكەلەدى.
بەلسەندى جاتتىعۋلاردان اۋلاق بولىڭىز. ەگەر ءسىز تاماقتانعاننان كەيىن جۇگىرۋدى، جىلدام ءجۇرۋدى باستاساڭىز، بۇل جۇرەك اينۋىن، ءىشتىڭ اۋىرسىنۋىن تۋدىرۋى مۇمكىن.
تاماقتانعاننان كەيىن بىردەن ديۆانعا جاتپاڭىز. بۇل اس قورىتۋ شىرىندارىنىڭ كوتەرىلۋىنە اكەلەدى. سونىمەن قاتار، تۇسكى نەمەسە كەشكى استان كەيىن بىردەن ۇيىقتاماڭىز. بۇل جاعدايدا بارلىق مەتابوليكالىق پروتسەستەر باياۋلايدى، ناتيجەسىندە كالوريا مايعا اينالۋى مۇمكىن. تۇستەن كەيىنگى ۇيقى مەتەوريزم مەن ءىش قاتۋعا اكەلۋى مۇمكىن. سونداي- اق، تاماقتانعاننان كەيىن بىردەن ۇيىقتاۋ جۇرەك اۋرۋى، اتەروسكلەروز، جوعارى قان قىسىمى بار ادامدار ءۇشىن وتە قاۋىپتى.
تاماقتان كەيىن بىردەن كوپ سۋ ىشپەڭىز. ونىڭ ارتىق مولشەرى اسقازان ءسولىن سۇيىلتادى جانە اس قورىتۋدى ناشارلاتادى.
ەدەندى ەڭكەيىپ جۋۋعا بولمايدى. جالپى، العا قاراي يىلۋگە بايلانىستى ارەكەتتەردەن اۋلاق بولىڭىز، بۇل قىشقىل رەفليۋكسىن تۋدىرۋى مۇمكىن.
جەمىستەردى نەگىزگى تاماقتان كەيىن بىردەن جەۋگە بولمايدى. بۇل قورەكتىك زاتتاردىڭ ءسىڭۋىن ناشارلاتۋى مۇمكىن. جەمىستەردى تاڭعى اس پەن تۇسكى اس اراسىندا، تۇسكى جانە كەشكى اس اراسىندا جەگەن دۇرىس. اسقازاننىڭ قىشقىلدىعى جوعارى ادامدار ءۇشىن تۇسكى نەمەسە كەشكى استان كەيىن قىشقىل جەمىستەردى جەۋ زيان.
جەمىستەر مەن جيدەكتەردى دەسەرت رەتىندە، تاماقتانعاننان كەيىن 30 مينۋتتان كەيىن تۇتىنىڭىز.
تاماقتان كەيىن شاي نەمەسە كوفە ىشۋدەن اۋلاق بولىڭىز. ەكەۋىنىڭ قۇرامىندا تاعامداعى قورەكتىك زاتتاردىڭ سىڭۋىنە كەدەرگى كەلتىرەتىن فەنولدىق قوسىلىستار بار. مىسالى، ەگەر ءسىز ستەيكتى ءسۇتسىز كوفەمەن ىشسەڭىز، تەمىر ناشار سىڭەدى. ال شايدىڭ ر ن دەڭگەيى تومەن، بۇل اقۋىزدار مەن مايلاردى قورىتۋ پروتسەسىنە تەرىس اسەر ەتەدى.
الكوگول ىشپەڭىز، تەمەكى شەكپەڭىز. دارىگەردىڭ ايتۋىنشا، تاماقتانعاننان كەيىن الكوگول ءىشۋ دەنساۋلىققا قاۋىپ توندىرەدى.
تاماقتانعاننان كەيىن جاساۋعا بولاتىن پايدالى ادەت:
تاماقتانعاننان كەيىن ەكى مينۋت بەلسەندى بولىڭىز. بۇل قانت دەڭگەيىن قالىپقا كەلتىرەدى. تۇسكى نەمەسە كەشكى استان كەيىن بەلسەندىلىك تانىتۋ ماڭىزدى، بۇنى سپورتپەن شاتاستىرماۋ كەرەك.
تاماقتانعاننان كەيىن بىردەن جارتى ستاكان جىلى سۋ ءىشىڭىز، بۇل تاعامنىڭ سىڭۋىنە كومەكتەسەدى. بۇل كەڭەس اسىرەسە اس قورىتۋ جۇيەسىندە پروبلەمالارى بار نەمەسە كەشكى ۋاقىتتا تاماقتاناتىن ادامدار ءۇشىن جاقسى.