App Store-دا ازىرگە مۇنداي سەرۆيستەر پايدا بولا قويعان جوق. بۇل تۋرالى قارجى نارىعىن رەتتەۋ جانە قاداعالاۋ اگەنتتىگى قازاقستاندىقتارعا ەسكەرتۋ جاسادى.
اگەنتتىكتىڭ حابارلاماسىنا قاراعاندا، الاياقتار تەگىن ورناتۋعا بولاتىن ءارتۇرلى موبيلدى قوسىمشالاردىڭ كومەگىمەن IPO-دا «اقشا تابۋدى» ۇسىنادى.
اڭقاۋ ازاماتتاردى كوبىرەك تارتۋ ءۇشىن ولار «قازمۇنايگاز» ا ق-تىڭ اتاۋى مەن لوگوتيپىن پايدالانادى، ال قوسىمشالارعا سيپاتتامادا از عانا كۇش سالىپ جوعارى، ءارى كەپىلدى تابىس الۋعا ۋادە ەتەدى. بۇل قوسىمشالار ۇكىمەتتىڭ قولداۋىمەن ازىرلەندى-مىس دەپ سەندىرەدى.
الاياقتار IPO شەڭبەرىندە باعالى قاعازدارعا ينۆەستيتسيا سالۋ جەڭىل جانە ءار ينۆەستيسيا ۇلكەن پايدا اكەلەدى دەپ سەندىرەدى. دالەل رەتىندە ولار جالعان پىكىرلەردى ورنالاستىرادى.
مىنا دەرەكتەرگە: قوسىمشانىڭ شىعارىلعان كۇنىنە، ول قانشالىقتى ءجيى جاڭارتىلاتىنىنا، ازىرلەۋشىسى كىم ەكەندىگىنە، پىكىرلەردىڭ سانى مەن جاريالانعان كۇنى جانە پايدالانۋشىلاردىڭ اتى-جوندەرىنە نازار اۋدارىڭىز. قوسىمشا ءسىزدىڭ دەرەكتەرىڭىزدى قالايشا جانە قانداي جولمەن جينايتىنى، وڭدەيتىنى جانە ازىرلەۋشىگە بەرەتىنى تۋرالى اقپارات ماڭىزدى بولىپ تابىلادى.
ەسكە سالساق، قازاقستاندىقتار IPO الاڭىندا الاياقتارعا الدانباۋ ءۇشىن ارنايى سايت اشىلدى. بۇعان قوسا جەلىدە IPO تۋرالى فەيك اقپاراتتار وتە كوپ تاراۋدا.