بۇنداي پىكىردى Jibek Joly تەلەارناسىنىڭ ەفيرىندە ق ر پرەزيدەنتى جانىنداعى قازاقستاننىڭ ستراتەگيالىق زەرتتەۋلەر ينستيتۋتىنىڭ ديرەكتورى ەركىن تۇقىموۆ ايتتى، دەپ حابارلايدى قازاقپارات ءتىلشىسى.
«مەنىڭ ويىمشا، پرەزيدەنتتى جەتى جىل مەرزىمگە سايلاۋ جەتكىلىكتى. ەگەر ستراتەگيا دۇرىس تاڭدالىپ، ماقساتتار بەلگىلەنسە وندا جەتى جىل جەتىپ جاتىر. ونىڭ ۇستىنە پرەزيدەنتتى جەتى جىلعا سايلاۋ بويىنشا فرانسيانىڭ تاجىريبەسى بار. ال ەگەر ماقسات ناقتى بولماسا، وندا 7 جىل تۇرماق 70 جىل دا جەتكىلىكسىز بولۋى مۇمكىن. ەگەر قازاقستان تۋرالى ايتاتىن بولساق، جەتى جىلدىق مەرزىم بۇكىل ەلدى قايتا قۇرىپ، ەكونوميكا مەن قوعامدى جاڭعىرتۋعا دا جەتكىلىكتى. بىزدە قالاي ارەكەت ەتۋ كەرەكتىگى تۋرالى تۇسىنىك بار»، - دەپ ءتۇسىندىردى ق ر پرەزيدەنتى جانىنداعى ق س ز ي ديرەكتورى.
سونداي-اق ساراپشى جاڭا وزگەرىستەردىڭ وڭايعا سوقپايتىنىن ايتتى.
«بۇل ىشكى جانە سىرتقى ماسەلەلەر. سوندىقتان پرەزيدەنت قازاقستاندى وزگەرتۋگە باتىلدىق تانىتتى دەپ سانايمىن. راسىندا بۇل تۋرالى 2019-جىلدىڭ باسىنان بەرى ايتىپ كەلەدى. الايدا، قوعامدىق قولداۋ بولۋى كەرەك دەپ سانايمىن. قوعامنىڭ قولداۋىنسىز ەشقانداي مىندەتتى ورىنداۋ مۇمكىن ەمەس. ءومىر ەندى باستالادى دەپ سەنەمىن»، - دەدى ەركىن تۇقىموۆ.