ديماش قۇدايبەرگەن پرەزيدەنت سايلاۋىندا ءوز تاڭداۋىن جاسادى

استانا. قازاقپارات - قازاقستاندىق ورىنداۋشى پرەزيدەنت سايلاۋىندا داۋىس بەردى، دەپ حابارلايدى قازاقپارات.

ديماش قۇدايبەرگەن بۇل جايىندا Instagram پاراقشاسىندا ءمالىم ەتتى.

«قۇرمەتتى وتانداستار! بۇگىن ەلىمىز ءۇشىن ماڭىزدى كۇن بولدى. مەملەكەتىمىزدىڭ پەرەزيدەنتتىك سايلاۋىنا قاتىسىپ ءوز تاڭداۋىمدى جاسادىم. قولعا العان شارالاردىڭ باسىم كوپشىلىگى ورىندالىپ، حالقىمىزدىڭ باقىتتى جانە باياندى كۇندەرى كوپ بولعاي. ەلدىڭ الەۋمەتتىك-ەكونوميكالىق جاعدايى كوتەرىلىپ، قازاقستاننىڭ بولاشاعى جارقىن ، تۇعىرى بيىكتەي بەرسىن! ەلىمىز امان، جۇرتىمىز تىنىش بولسىن»، - دەپ جازدى ءانشى الەۋمەتتىك جەلىدەگى پاراقشاسىندا.

ەسكە سالا كەتەيىك، قازاقستاندا پرەزيدەنت سايلاۋى اياقتالدى.