ۆاشينگتون، نيۋ-يورك جانە وتتاۆادا داۋىس بەرۋ باستالدى

استانا. قازاقپارات - ۆاشينگتون، نيۋ-يورك جانە وتتاۆادا داۋىس بەرۋ باستالدى.

بۇل تۋرالى ق ر ورتالىق سايلاۋ كوميسسياسىنىڭ مۇشەسى شاۆكات وتەمىسوۆ ايتتى، دەپ حابارلايدى قازاقپارات ءتىلشىسى.

«ۆاشينگتوندا، نيۋ يوركتە جانە وتتاۆادا سايلاۋ ۋچاسكەلەرى اشىلىپ، داۋىس بەرۋ باستالدى. سان-فرانتسيسكوداعى تاعى ءبىر ۋچاسكە ۋاقىت بەلدەۋىن ەسكەرە وتىرىپ كەشىرەك اشىلادى»، - دەدى شاۆكات وتەمىسوۆ.

جالپى شەت مەملەكەتتەردەگى قازاقستان رەسپۋبليكاسىنىڭ وكىلدىكتەرى جانىندا 68 ۋچاسكە اشىلعان بولاتىن. ونىڭ بىرنەشەۋىندە داۋىس بەرۋ اياقتالدى.

تەك سان-فرانتسيسكوداعى ءبىر سايلاۋ ۋچاسكەسىندە داۋىس بەرۋ استانا ۋاقىتىمەن ساعات 21.00 دە باستالادى.

جالپى ساعات 18.00 دەگى جاعداي بويىنشا رەسپۋبليكانىڭ 8108668 ازاماتى بيۋللەتەن الدى. ول - تىزىمگە ەنگىزىلگەن ازاماتتاردىڭ 67,85 پايىزى.

بۇگىن ەلىمىزدە كەزەكتەن تىس پرەزيدەنت سايلاۋى ءوتىپ جاتىر. بارلىق وڭىردە 10033 ۋچاسكە جۇمىس ىستەپ تۇر.