بەيجىڭدەگى سايلاۋ ۋچاسكەسىندە داۋىس بەرۋ اياقتالدى

بەيجىڭ. قازاقپارات - قىتاي حالىق رەسپۋبليكاسىندا قازاقستان ەلشىلىگى جانىنداعى 257№ سايلاۋ ۋچاسكەسى جەرگىلىكتى ۋاقىت بويىنشا ساعات 20:00 دە (استانا ۋاقىتىمەن 18:00 دە) جابىلدى، دەپ حابارلايدى قازاقپارات ءتىلشىسى.

«بەيجىڭدەگى 257№ ۋچاسكە ءوز جۇمىسىن اياقتادى. مۇندا كۇنى بويى سايلاۋشىلاردىڭ بەلسەندى قاتىسۋى بايقالدى»، - دەدى قازاقستاننىڭ قىتايداعى ديپلوماتيالىق وكىلدىگى جانىنداعى ۋچاسكەلىك سايلاۋ كوميسسياسىنىڭ ءتوراعاسى نۇرلان اققوشقاروۆ.

«وسى كۇندەرى بەيجىڭنىڭ چاويان اۋدانىندا كوۆيدكە بايلانىستى شەكتەۋلەرگە قاراماستان، سايلاۋشىلاردىڭ بۇگىنگى بەلسەندىلىگى جاقسى بولدى»، - دەدى ول.

قازاقستان رەسپۋبليكاسىنىڭ قىتايداعى شاڭحاي جانە گونكونگ قالالارىنداعى باس كونسۋلدىقتارىنىڭ جانىنداعى سايلاۋ ۋچاسكەلەرىندە داۋىس بەرۋ اياقتالدى. قازىرگى ۋاقىتتا داۋىس ساناۋ جۇرگىزىلۋدە.