برازيلياداعى قازاقستاندىقتار داۋىس بەرە باستادى
بۇل تۋرالى ق ر ورتالىق سايلاۋ كوميسسياسىنىڭ مۇشەسى اناستاسيا شەگورتسوۆا ايتتى، دەپ حابارلايدى قازاقپارات ءتىلشىسى.
«استانا ۋاقىتىمەن 16.00 دە برازيليادا داۋىس بەرۋ باستالدى. 68 شەتەلدىك سايلاۋ ۋچاسكەلەرىنىڭ 64 ىندە داۋىس بەرۋ ءجۇرىپ جاتىر. امەريكا مەن كاناداداعى سايلاۋ ۋچاسكەلەرى ۋاقىت ايىرماشىلىعىنا بايلانىستى كەشىرەك اشىلادى»، - دەدى اناستاتسيا شەگورتسوۆا.
ازاماتتاردىڭ ۋچاسكەلەرگە كەلۋى تۋرالى كەلەسى اقپارات ەلوردا ۋاقىتى بويىنشا ساعات 18.05 جانە 20.05 تە بەرىلەدى.
الدىن الا جاسالاتىن جالپى قورىتىندى اقپاراتتى ق ر و س ك ساعات 22.05 تە ۇسىنادى.
بۇگىن ەلىمىزدە كەزەكتەن تىس پرەزيدەنت سايلاۋى ءوتىپ جاتىر. بارلىق وڭىردە 10033 ۋچاسكە داۋىس بەرۋگە كىرىستى.
سونىمەن قاتار شەت مەملەكەتتەردەگى قازاقستان رەسپۋبليكاسىنىڭ وكىلدىكتەرى جانىنداعى 64 ۋچاسكەدە داۋىس بەرۋ باستالدى.
وسىلايشا، قازىرگى ۋاقىتتا سايلاۋ 10097 ۋچاسكەدە ءوتىپ جاتىر.