تۇركيانىڭ ۇلتتىق قورعانىس مينيسترلىگى Twitter- دە اۋە وپەراتسياسىنىڭ العاشقى كادرلارىن جاريالادى. «تەرروريستەر ۇياسى تىكەلەي سوققىلارمەن جويىلادى»، - دەلىنگەن جازبادا.
اۋە وپەراتسياسىنا (قىلىش تىرناق) دەگەن اتاۋ بەرىلگەن.
«تۇركيانىڭ ۇلتتىق قورعانىس مينيسترلىگى بۇل وپەراتسيا ب ۇ ۇ جارعىسىنىڭ 51-بابىنا سايكەس ءوزىن-ءوزى قورعاۋ قۇقىعىنا سايكەس جاسالعانىن ايتادى»، - دەلىنگەن اگەنتتىكتىڭ حابارلاماسىندا.
ايتا كەتەيىك، بۇعان دەيىن كۇردتەردىڭ «سيريا دەموكراتيالىق كۇشتەرىنىڭ» (SDF) وكىلى فارحاد شامسي تۇركيا سيريانىڭ سولتۇستىگىندەگى كوباني شەكارالاس قالاسىنا سوققى بەرىپ جاتقانىن ايتقان بولاتىن.
ەسكە سالايىق، 13- قاراشادا ىستامبۇلدىڭ تۋريستەر كوپ جينالاتىن كوشەسىندە جارىلىس بولعان ەدى. تۇركيانىڭ ىشكى ىستەر ءمينيسترى سۇلەيمان سويلۋ ىستامبۇلداعى جارىلىسقا كۇردىستان جۇمىسشىلار پارتياسىنىڭ قاتىسى بولۋى مۇمكىن ەكەنىن ايتقان بولاتىن.