ۇ ق ش ۇ پ ا دەلەگاتسياسى قازاقستانداعى سايلاۋعا قاتىستى پىكىر ءبىلدىردى
«ءبىز كەشە جانە بۇگىن سايلاۋدى ۇيىمداستىرۋ پروتسەسىن قاراپ وتىرمىز. ءبىز ۇدەرىستەرگە قاتىسىپ جاتقان بارلىق ساياسي كۇشتەرمەن كەزدەسۋلەر وتكىزدىك. ءبىز ۇمىتكەرلەردىڭ شتابىندا بولدىق، ءتۇرلى قۇرىلىمدارمەن كەزدەستىك. بۇگىن تاڭەرتەڭ سايلاۋ ۋچاسكەلەرىندە ۇ ق ش ۇ بايقاۋ توبى دا جۇمىسىن باستادى. وسى ورايدا داۋىس بەرۋشىلەردىڭ كوپتىگىن اتاپ وتكىمىز كەلەدى. داۋىس بەرۋ راسىمدەرى جاقسى ۇيىمداستىرىلعانىن اتاپ وتكەن ءجون. ءبىز بارلىق وقيعالارعا مۇقيات قاراپ وتىرمىز. ءبىزدىڭ ويىمىزشا، سايلاۋدان كەيىن قازاقستان حالقى بۇل ۇدەرىستەن نىعايىپ شىعادى. جالپى، بۇل سايلاۋ قازاقستان حالقى ءۇشىن ماڭىزدى دەپ سانايمىن»، - دەدى ۇ ق ش ۇ پارلامەنتتىك اسسامبلەياسىنىڭ توپ ۇيلەستىرۋشى ۆاگارشاك اكوبيان ەلورداداعى حالىقارالىق بايقاۋشىلارعا قولعابىس كورسەتۋ ورتالىعىنداعى بريفينگىدە.
ءوز كەزەگىندە ۇ ق ش ۇ پارلامەنتتىك اسسامبلەياسىنىڭ جاۋاپتى حاتشىسى سەرگەي پوسپەلوۆ بۇگىن تاڭەرتەڭ سايلاۋ ۋچاسكەلەرى اشىلعانعا دەيىن داۋىس بەرۋشىلەر قاتارىنان شاعىن كەزەكتەر بولعانىن ايتتى.
«قازىرگى ۋاقىتتا ءبىز ەشقانداي زاڭ بۇزۋ دەرەكتەرىن تىركەگەن جوقپىز، ۋچاسكەلەر جابىلعانشا جۇمىستى جالعاستىرامىز. داۋىستاردى ساناۋ كەزىندە دە ءبىزدىڭ بايقاۋشىلار قاتىسادى. سونداي-اق بۇگىن كەشكە سايلاۋعا قاتىستى ءوزىمىزدىڭ قورىتىندىنى قۇجاتىمىزدى قابىلدايتىن بولامىز»، - دەدى س. پوسپەلوۆ.