اتا-تۇرىك اتىنداعى №4-مەكتەپتەگى 46-شى سايلاۋ ۋچاسكەسىنە گالينا فەدوروۆا قىزىمەن بىرگە قازاقى ۇلتتىق كيىممەن كەلىپ، ءوز تاڭداۋىن جاسادى. ولار سايلاۋشىلار مەن داۋىس بەرۋ ۋچاسكەسىنىڭ مۇشەلەرىنە ءوز قولدارىمەن پىسىرگەن باۋىرساق پەن ءبالىش ۇلەستىردى.
«ەلىمىزدىڭ جارقىن بولاشاعى ءۇشىن سايلاۋدا ءوز تاڭداۋىمدى جاسادىم. بۇل كۇن مەرەكە بولعاندىقتان ءساندى كيىم كيىپ كەلدىم. ەلىمىزدە تىنىشتىق بولسىن دەپ تىلەيمىن»، - دەيدى كەنتاۋلىق ارۋ.
كەنتاۋ قالاسىنىڭ تۇرعىندارى كەزەكتەن تىس پرەزيدەنت سايلاۋىندا بەلسەندى داۋىس بەرىپ جاتىر. ەلدىڭ ەرتەڭىنە ۇلكەن سەنىممەن قارايتىن تۇرعىندار بۇل كۇندى مەرەكەگە تەڭەيدى. بارلىق سايلاۋ ۋچاسكەلەرىندە حالىققا بارلىق جاعداي جاسالعان.