الماتىدا اسانالى ءاشىموۆ داۋىس بەردى

الماتى. قازاقپارات - قازاقستاننىڭ ەڭبەك ەرى، ك س ر و حالىق ءارتىسى اسانالى ءاشىموۆ «سامال» شاعىن اۋدانىندا ورنالاسقان №382 سايلاۋ ۋچاسكەسىنە بارىپ، پرەزيدەنت بولۋعا لايىقتى ساناعان ۇمىتكەرىن تاڭدادى، دەپ حابارلايدى قازاقپارات ءتىلشىسى.

«حالىقتىڭ ءال- اۋقاتى، كوڭىل- كۇيى تۇزەلمەي بەرەكە بولمايدى. كوڭىل- كۇي جاقسى بولعان كەزدە عانا جۇمىستا بەرەكە بولادى. بۇل - ءبىر. ەكىنشىدەن، عىلىم، ءبىلىم، مادەنيەتتى دامىتۋ كەرەك. ۇلىلاردىڭ ايتۋىنشا، مادەنيەتسىز، ادەبيەتسىز ەل - ەل ەمەس دەگەن. سوندىقتان مەن تاڭداعان كانديدات وسىعان كوپ كوڭىل بولەدى دەپ مەن سەنەمىن. كەلەشەك ءۇشىن ادال قىزمەت ىستەيدى دەپ ويلايمىن»، - دەدى قازاقستاننىڭ ەڭبەك ەرى، ك س ر و حالىق ءارتىسى اسانالى ءاشىموۆ.

ەسكە سالايىق، الماتىدا 600 سايلاۋ ۋچاسكەسى جۇمىس ىستەپ تۇر. قالادا 1 ميلليون 176 مىڭنان استام ادام داۋىس بەرە الادى. ال تۇرعىلىقتى تىركەۋى جوق ازاماتتار ءۇشىن 55 داۋىس بەرۋ ۋچاسكەسى جۇمىس ىستەۋدە.

اۆتور

الما مۇقانوۆا