ءادىل سايلاۋ ءوتىپ جاتىر دەپ ايتا الامىز - اقىن مارالتاي رايىمبەك
اقىن الماتى حالقىنىڭ بەلسەندى تۇردە داۋىس بەرىپ جاتقانىن جانە ءوزىنىڭ بۇگىن داۋىس بەرۋدى پارىزى سانايتىنىن ايتتى.
«بۇگىن وتباسىمىزبەن سايلاۋ ۋچاسكەسىنە ەرتەرەك كەلۋگە تىرىستىق. ءسويتىپ ءوز تاڭداۋىمىزدى جاسادىق. وسىلايشا ەل تىزگىگىن ۇستايتىن تۇلعاعا داۋسىمىزدى بەردىك. ءبىز ءارقاشان جانۇيامىزبەن ەل تاعدىرىن شەشەتىن ەلەۋلى دۇنيەلەرگە اتسالىسىپ كەلەمىز. بۇل جولعى سايلاۋدىڭ دا ءجونى بولەك. بۇرىنعىسىنان وزگەرەك بولىپ جاتىر. سوندىقتان ءادىل سايلاۋ ءوتىپ جاتىر دەپ ايتا الامىز»، - دەدى مارالتاي رايىمبەك ۇلى.
ول سونداي- اق حالىقتىڭ الماتىدا بەلسەندى تۇردە داۋىس بەرىپ جاتقانى قۋانتاتىنىن اتاپ ءوتتى.
«وسىعان دەيىن تالاي مارتە ساياسي ناۋقاندارعا ارالاسىپ ءجۇرمىز. الماتى ءارقاشان ەل تاعدىرىندا ماڭىزدى ورىندا تۇرادى. سايلاۋشىلاردىڭ قاتارى بوزعىلت تاڭنان باستاپ بەلسەندى. سايلاۋعا كەلۋشىلەر قاتارى كوپ. ەل- جۇرت ءوز تاڭداۋىن جاساۋدا. ارينە كوپشىلىكتىڭ وسىنداي بەلسەندىلىگى قۋانتادى. بۇگىنگى زامان دا، ۋاقىت تا وزەرۋدە. اركىم ءوزىنىڭ سايلاۋ كەزىندەگى ۇلەسى بار ەكەنىن بىلەدى. سونىمەن بىرگە ءوز جاۋاپكەرشىلىگىن سەزىنەدى. سوندىقتان دا ەلدىڭ ءبارى ءبىر كىسىدەي اتسىلىپ جاتىر»، - دەدى ول.
اۆتور
دۋمان ارعىنگەلدى