بۇل ورايدا ۇزاتۋ تويلارى دا الدىڭعى ورىندا. سوعان ساي ءار ءانشىنىڭ قالاعا، قوناق ۇيگە، بيلەتكە سايكەس قويىلعان وزىندىك گونورارلارى بارى ەشكىمگە جاسىرىن ەمەس.
Massaget.kz ءتىلشىسى ارتىستەردىڭ وكىلدەرىنە حابارلاسىپ، ۇزاتۋعا قانشاعا شىعاتىنىن انىقتادى.
سارا توقتامىسوۆا
تانىمال ايتىسكەر سارا توقتامىسوۆا قازىر جۇكتى ەكەن. ايتىسكەر اقىننىڭ وكىلى وسىنداي جاقسى جاڭالىقتى جەتكىزىپ، ونىڭ ازىرشە تويعا شىقپايتىنىن ايتتى. الايدا سارا توقتامىسوۆانىڭ بەلگىلەنگەن گونورارىنا بۇكىل شىعىنى كىرەدى ەكەن.
«بىزدە 2000 دوللار عوي»، - دەپ جاۋاپ بەردى ءارتىستىڭ وكىلى.
تەڭگەگە شاقساق، بۇل شامامەن 900 مىڭنان اسادى.
سالتانات باقايەۆا
قىز ۇزاتىپ جۇرگەن انشىلەردىڭ ءبىرى سالتانات باقايەۆانىڭ گونورارى باسقا ارتىستەرگە قاراعاندا سالىستىرمالى تۇردە ارزانداۋ.
«الماتىداعى گونورارى - 800 مىڭ تەڭگە. قىزدى الىپ كىرەدى، ەكى-ءۇش ءان ايتادى. الام دەسەڭىزدەر الدىن الا تولەم جاسالادى»، - دەيدى ءانشىنىڭ كومەكشىسى.
قاراقات ءابىلدينا
ال قاراقات ءابىلدينانىڭ قىز ۇزاتۋعا بەلگىلەنگەن گونورارىنا باسقا شىعىندارى كىرمەيدى.
«باسقا قالالارعا گونورارى 6000 دوللار بولادى»، - دەيدى ءانشىنىڭ وكىلى.
بۇل سومانى تەڭگەگە شاقساق، شامامەن 2 ميلليون 700 مىڭداي بولادى.
ايدار تۇرعامبەك
قازىر شوۋ-بيزنەس وكىلدەرى ىشىنەن ايەل ادامدار عانا قىز ۇزاتىپ جۇرگەن جوق. ايدار تۇرعامبەك تە ۇزاتۋلاردان كورىنىپ ءجۇر. ءانشىنىڭ وكىلى تويعا شاقىراتىن كەزدە گونوراردىڭ 50 پايىزى الدىن الا تولەنۋى قاجەت ەكەنىن ايتتى.
«باعاسى 1 ميلليون 200 مىڭ تەڭگە. جولى - ءبارى كىرەدى. التى ولەڭ ايتادى. باسىندا الىپ شىعادى. سوڭىندا ۇزاتىپ جىبەرۋگە بولادى. ورتاسىندا بيلەيتىن ولەڭدەرى بولادى. باسىنان سوڭىنا دەيىن جۇرەدى»، - دەيدى ءانشىنىڭ وكىلى.
دانا كەنتاي
دانا كەنتايدىڭ دا گونورارى وزگە انشىلەرگە قاراعاندا سالىستىرمالى تۇردە ارزانداۋ.
«قىزدى كىرگىزەمىز، سوڭعى جاعىندا 3-4 ولەڭىن ايتادى، سوڭىندا ۇزاتامىز، 400 مىڭ بولادى. ال تەك ۇزاتۋ 200 مىڭ بولادى»، - دەيدى ءانشىنىڭ كومەكشىسى.
روزا ءالقوجا
ال روزا ءالقوجانىڭ ۇزاتۋداعى گونورارى تەڭگەگە شاقساق، 1 ميلليون 300 مىڭ تەڭگەدەي بولادى.
«3000 دوللار. ىشىنە ءبارى كىرەدى. 10-12 ءان ايتادى. قىزدى الىپ كىرەدى، الىپ شىعادى»، - دەيدى ءانشىنىڭ وكىلى.
دانا امانبايەۆا
ال ءانشى ءادىل سلامحانوۆتىڭ جارى دانا امانبايەۆانىڭ گونورارى ەكى ءتۇرلى بولادى ەكەن. ءانشىنىڭ وكىلىنىڭ سوزىنشە، بۇل باعدارلاماعا بايلانىستى.
«الىپ كىرۋ، ورتاسىندا دۋەت، سوڭىندا ۇزاتۋ 300 مىڭ بولادى. تەك ۇزاتۋ بولسا، 200 مىڭ تەڭگە»، - دەيدى ول.
ەسكە سالايىق، بۇعان دەيىن قازاق جۇلدىزدارى تۇساۋكەسەر تويىنا كەلۋگە قانشا گونورار سۇرايتىنى انىقتالعان بولاتىن.