تيموتي دەكستەر دە قاراپايىم ومىردەن ساتتىلىك ىزدەگەن ادامداردىڭ ءبىرى بولىپ قالار ما ەدى؟ مۇلدە شىندىققا جاناسپايتىن اقپاراتتارعا دا سەنەتىنى ارقىلى ول تابىستىڭ شىڭىنا شىعادى.
قاراپايىم وتباسىدا ەرجەتكەن تيموتي بانكروتتىق جاعدايدا ەدى. تيموتيمەن كەشكى اس كەزىندە دوسى قالجىڭداپ، ءۇندىستاندا كولونيالىق ارالداردىڭ تۇرعىندارى بيبلياعا، قۋىرۋعا ارنالعان تابالارعا جانە جىلى قولعاپتارعا وتە مۇقتاج ەكەنىن ايتادى.
ارالدارداعى اۋا-رايىنىڭ قانشا گرادۋس ىستىق ەكەنىن، ونداعى ءدىندى بىلمەگەن تيموتي «دوسىنا» يدەيا جاعىنان كومەكتەسكەنى ءۇشىن العىس ايتىپ، ارەكەتكە كوشەدى.
ول بيبليانىڭ 100000 عا جۋىق داناسىن، مىڭ تاماق قۋىراتىن تابا جانە ءجۇز مىڭعا جۋىق ءجۇن قولعاپ ساتىپ الادى. مۇنىڭ ءبارىن ءوزىنىڭ ساۋدا كەمەسىنە جەتكىزىپ، ساۋدا ساپارىنا اتتانادى.
ءسىز دە ءۇندىستانعا بۇل تاۋارمەن اتتانۋ «بانكروتتىققا اپارار جول» دەپ ويلايسىز با؟ دەگەنمەن ساتتىلىك ونى تارك ەتپەدى. ول كەزدە انگليا بيلىگى يەلىگىندەگى ءۇندىستان اۋماعىنداعى جەرگىلىكتى تۇرعىندارعا حريستيان ءدىنىن ۋاعىزداي باستايدى. سوندىقتان بيبليانىڭ بار داناسى قىمبات باعادا ءبىر كۇندە ساتىلىپ كەتەدى.
ءبىر-ەكى كۇننەن كەيىن پورتۋگالدىق ساۋدا كەمەسى ارالعا كەپ توقتايدى. سىبىرگە جول تارتقان پورتۋگالدىق كەمە ارالدان تەك جانارماي مەن ازىق الۋدى كوزدەگەن ەدى. تيموتيدىڭ قالىڭ قولعاپتارىن كورگەن ولار، قۋانا-قۋانا قىمبات باعادا ساتىپ الادى.
ال تاعام قۋىراتىن ىدىستاردى بالىق ساۋداگەرلەرى ساتىپ الادى. ولار بولشەكتەنگەن بالىق مۇشەلەرىن سالىپ قوياتىن ىدىس رەتىندە قولدانۋ ءۇشىن ساتىپ الادى.
تيموتي نيۋبەريپورتقا وتە باي ساۋداگەرلەردىڭ تىزىمىنە ەنىپ ورالادى. بۇرىنعىدان دا باي بولىپ كەلگەن وعان ەلدەر قىزعانىشپەن، جەتىستىگىن كورە الماي قارايدى. ناتيجەسىندە ونىڭ بايلىعىن كەمىتەتىن جوسپار ويلاستىرادى. قاسكۇنەم توپ وعان نيۋكاسلعا (كومىر وندىرۋمەن ايگىلى اعىلشىن قالاسى) كومىرى تاسىمالداۋعا كەڭەس بەرەدى. بۇل جولى دا تيموتي ويلانباستان جولعا شىعادى.
دەكتەردىڭ كومىر تيەگەن كەمەلەرى ايلاققا جەتكەندە، مۇندا ءبىر اپتادان بەرى شاحتەرلەردىڭ ەرەۋىلى ءجۇرىپ جاتقانى بەلگىلى بولادى. ەشكىم جۇمىس ىستەمەگەندىكتەن پورتتا كومىر بولمايدى. كومىر الۋعا كەلگەن ساۋداگەرلەردىڭ ءبارى باسىن تاۋعا دا، تاسقا دا سوعىپ دال بولىپ جاتقاندىقتان، تيموتيدىڭ كومىرىنە تالاس بولادى.
تيموتي ءومىرىنىڭ سوڭىنا دەيىن باسقا كاسىپكەرلەر شىعىنعا باتاتىن جەردەن جەتىستىككە جەتىپ ءومىر سۇرەدى.
bugin.kz