ۇلى بريتانيادا ەكونوميكالىق قۇلدىرۋدى توقتاتۋ ءۇشىن سالىق كولەمىن ءوسىرۋ ۇسىنىلدى

«جالپى، بيىلعى جىلى ەكونوميكالىق ءوسىم 4,2 پايىز دەڭگەيىندە بولجانۋدا. سوندا ج ءى ءو 2023 –جىلى % 1,4- عا تومەندەيدى، ال الداعى ءۇش جىلدا ول % 1,3- عا،% 2,6- عا جانە % 2,7- عا وسەدى»، - دەدى دجەرەمي حانت ەل پارلامەنتىندە داعدارىستى ەڭسەرۋ جوسپارىن تانىستىرا وتىرىپ.

بريتان مينيسترلەر كابينەتىنىڭ ەسەپتەۋلەرى بويىنشا، ۇلىبريتانياداعى ينفلياتسيا بيىل % 9,1- دى قۇرايدى جانە 2023 –جىلى % 7,4- عا دەيىن باياۋلايدى. باعانىڭ وسۋىنە نەگىزگى فاكتورلار ەنەرگيا تاريفتەرىنىڭ ءوسۋى مەن ازىق- تۇلىك تاۋارلارىنىڭ قىمباتتاۋى بولدى.

ۇسىنىلعان شارالارعا، باسقالارمەن قاتار، جوعارعى % 45 تابىس سالىعىنىڭ مولشەرلەمەسى ءۇشىن جىلدىق جالاقى شەگىن اعىمداعى 150 مىڭ فۋنتتان 125 مىڭ فۋنتقا دەيىن تومەندەتۋ كىرەدى.

تاعى ءبىر جاڭالىق - 2025 -جىلدىڭ ساۋىرىنەن باستاپ ەلەكتروموبيل يەلەرىنە كولىك سالىعى سالىنادى. بۇرىن مۇنداي تولەم ءتۇرىن ىشتەن جاناتىن قوزعالتقىشى بار كولىك يەلەرى عانا تولەيتىن.

سونىمەن قاتار حانت ۇكىمەتتىڭ الداعى بەس جىلدا 30 ميلليارد فۋنت ستەرلينگكە دەيىن ۇنەمدەۋگە مۇمكىندىك بەرەتىن مەملەكەتتىك شىعىنداردىڭ ءوسۋىن قالىپتى ەتۋ تۋرالى شەشىمىن جاريالادى.

فوتو: Andy Rain/EPA

اۆتور

زارينا تۋعانبايەۆا