بانكنوتالاردا «الاش-وردا» قوزعالىسىنىڭ قايراتكەرلەرى بەينەلەنگەن. 500 تەڭگەلىك بانكنوتتا ءبىرتۇتاس تۇركىستاننىڭ ازاتتىعى مەن تاۋەلسىزدىگى ءۇشىن كۇرەسكەن سۇلتانبەك قوجان ۇلى بەينەلەنگەن. 1000 تەڭگەلىكتە الاشوردالىق ءمىرجاقىپ دۋلاتوۆ، 2000 تەڭگەدە - تاعى ءبىر الاش قايراتكەرى احمەت بايتۇرسىن ۇلى، 5000 دا مۇستافا شوقاي، 10000 دا - كەنەسارى حان، ال 20000 تەڭگەدە - الاش ۇكىمەتى نەگىزىن قالاۋشىلاردىڭ ءبىرى جانە ءتوراعاسى ءاليحان بوكەيحان.
بۇل يدەيا اۆتورلارى - الماتىلىق جاس-جۇبايلار دياس پەن ايگەرىم كامەريدانوۆتار. وسىدان ءتورت جىل بۇرىن ولار الەۋمەتتىك جەلىدە «بەلگىسىز قازاقستان» اۆتورلىق بلوگىن اشقان. بۇل جوبادا ولار ەلىمىزدىڭ مادەنيەتى، سالت-ءداستۇرى، تاريحى تۋرالى قىزىقتى ماقالالار مەن بەينەروليكتەردى بولىسەدى.
ونىڭ ايتۋىنشا، بانكنوتتاردىڭ كوبىندە الاشوردالىقتار بەينەلەنگەن. اۆتورلار ءدال وسى تۇلعالار قازىرگى قازاق مەملەكەتتىلىگىنىڭ نەگىزىن قالاعانىن اتاپ ءوتتى.
«ءبىراق كەڭەس وكىمەتى كەزەڭىندە ولار نەگىزسىز حالىق جاۋى اتاندى. ولار تۋرالى ەستەلىكتەردى جاڭعىرتۋ ارۋاقتارى (رۋحى- ە س ك.) الدىنداعى، كەلەر ۇرپاق الدىنداعى پارىزىمىز دەپ بىلەمىن. ال 10000 تەڭگەلىك بانكنوتتا قازاقتىڭ سوڭعى حانى - كەنەسارى بەينەلەنگەن»، - دەپ تولىقتىردى جىگىت.
ولارعا يدەيانى جۇزەگە اسىرۋعا گرافيكالىق ديزاينەر ەلنورا ماتجانوۆا مەن ۆيدەوينجەنەر ازامات سەرىكبايەۆ كومەكتەسكەن.