«تاعى دا سەن تۋرالى. «اناشىم، جىلاي بەرمەشى، سەن بىزگە ەندى بۇرىنعىدان دا قاتتى كەرەكسىڭ. اكە، كەلىپ قالاتىن سياقتى…»، - دەيدى تۇڭعىشىم. كەنجەم ساردار بولسا، بىلدىرمەي، بولمەسىنە بارىپ جىلاپ الادى. سارداردىڭ اكەسىمەن قارىم-قاتىناسى ەرەكشە بولدى. كەنجەسى بولعان سوڭ با، قاتتى ەركەلەتىپ ءوسىردى. ءبىر جۇبانىشىم، ايتەۋىر ەكەۋىنىڭ ەكى ۇلكەن اعاسى، اپكەسى بار، جالعىز ەمەس. قايرات ۇنەمى بالالارىن جانىنا جيىپ جۇرەتىن. ءار نەمەرەسىنە جەكە كوڭىل ءبولىپ، كەلىندەرىن اۋزىنان تاستامايتىن. ولار دا ماعان قۇربى سياقتى بولىپ كەتكەن. سول جاعىن ويلاسام، قۋانام. ۇلدارعا باۋىرمالدىلىق، وتباسى قۇندىلىقتارىن جاقسى كورسەتە ءبىلدى»، - دەيدى تەلەجۇرگىزۋشى.
ءلايلا سۇلتان قىزىنىڭ ايتۋىنشا، بيىل جازدا قايرات بەركىنبايەۆ قىزىن ۇزاتىپ، ۇلكەن توي جاساعان.
«ۇل-قىزدارى، نەمەرەلەرىمەن شۇيىركەلەسىپ وتىرعان سۋرەتتەرىن ءوزىم ءتۇسىرىپ ەدىم. ءالى دە ءبارىنىڭ جاي عانا ەلەس بولىپ قالعانىنا سەنە المايمىن. ءبىراق ۇرپاعى ءۇشىن بارىنە توتەپ بەرۋگە ۋادە بەردىم…»، - دەيدى ءلايلا سۇلتان قىزى.
ەسكە سالايىق، 6- قاراشادا قازاقستان رەسپۋبليكاسى پرەزيدەنتى ءىس باسقارماسىنىڭ مەديتسينالىق ورتالىعى «وقجەتپەس» ەمدەۋ-ساۋىقتىرۋ كەشەنى ا ق پرەزيدەنتى قايرات بەركىنبايەۆ ومىردەن ءوتتى.
قايرات بەركىنبايەۆ 2019-جىلى قازاقستاننىڭ تاۋەلسىزدىك كۇنى قارساڭىندا III دارەجەلى «بارىس» مەملەكەتتىك وردەنىمەن ماراپاتتالعان ەدى. قايرات بەركىنبايەۆ - قوعام قايراتكەرى، قازاقستان رەسپۋبليكاسى پرەزيدەنتىنىڭ ءىس باسقارماسى مەديتسينالىق ورتالىعى «وقجەتپەس» ەمدەۋ-ساۋىقتىرۋ كەشەنى ا ق پرەزيدەنتى بولعان.