رەسەي ساياساتىن قولدامايتىن كەيبىر ەلدەر ولاردىڭ ارتىستەرىن ەلىنە كىرگىزبەي قويعاندىقتان ءبىزدىڭ ەلىمىزدى جاعالايتىن رەسەيلىك شوۋ بيزنەس وكىلدەرى كوبەيىپ كەتتى. سونىڭ دالەلى بيىلعى جىلدىڭ وزىندە ەلىمىزدە رەسەيلىك جۇلدىزداردىڭ قاتىسۋىمەن بىرنەشە كونسەرت ءوتتى.
مىسالى، ۆالەري مەلادزە قازاقستاندا بىرنەشە اۋقىمدى جەكە ونەر كورسەتتى (ونىڭ ۇشەۋى الماتىداعى رەسپۋبليكا سارايىندا ءوتتى) جانە ولاردىڭ بارلىعىندا انشلاگ بولدى. «ءبي-2» توبى جازدا جانە كۇزدە Almaty Arena-دا كونسەرت بەردى. بۇل توپتىڭ كونسەرتىنە بيلەت 15000 تەڭگەدەن 85000 تەڭگەگە دەيىن بولسا دا، زال تولى بولعان. ۇزاققا سوزىلعان پاندەميادان سوڭ حالىقتىڭ جاندى داۋىستاعى كونسەرتتەردى ساعىنعانى دا بايقالادى. ايتسە دە سوڭعى كەزدەرى الەۋمەتتىك جەلىلەردە شەتەلدىك ارتىستەردىڭ قازاقستاندا ونەر كورسەتۋى قىزۋ تالقىلانۋدا.
مىسالى، قازاقستاندا قاراشانىڭ باسىندا تانىمال رەسەي ءانشىسى فيليپپ كيركوروۆ ەكى كونسەرت بەردى. ول حالىق ىقىلاسىنا بولەنەمىن دەپ كونسەرتتە قازاقشا دا سويلەدى. ءبىراق الەۋمەتتىك قولدانۋشىلاردىڭ كوپشىلىگى ونىڭ بۇل ارەكەتىن جاقتىرا قويماعانى بايقالعان.
اتاقتى ءانشى پولينا گاگارينا ۋكرايناداعى سوعىستى قولدايتىنىن اشىق ايتقان بولاتىن. بۇدان كەيىن الەۋمەتتىك جەلىلەردە پولينا گاگارينانىڭ جانە باسقا دا رەسەيلىك انشىلەردىڭ قازاقستاندا كونسەرت وتكىزۋلەرىنە تىيىم سالۋ تالاپ ەتىلدى.
ايتا كەتەيىك، 2023-جىلى 14- اقپاندا Almaty Arena-دا پولينا گاگارينانىڭ كونسەرتى ءوتۋ كەرەك بولعان. بيلەت قۇنى 8 مىڭ تەڭگەدەن باستالعان بولاتىن. ەندى كونسەرت ۇيىمداستىرۋشىلارى بارلىق انونستاردى الىپ تاستادى جانە قازىر بيلەت ساتىپ الۋ مۇمكىن ەمەس.
ال ەندى جاقىن ارادا قازاقستاندا تاعى قانداي رەسەيلىك اتاقتىلار كونسەرت بەرۋدى جوسپارلاۋدا جانە ولاردىڭ سوعىسقا قاتىستى پىكىرلەرى قانداي؟
19- قاراشادا الماتىدا ۋكراينالىق ءانشى لوبودا كونسەرت بەرەدى. ول قارۋلى قاقتىعىستى توقتاتۋعا شاقىرىپ، بەينە حابارلاما جازعان بولاتىن. سودان كەيىن ول رەسەيدە كونسەرت بەرۋگە تىيىم سالىنعان ارتىستەر تىزىمىنە كىردى.
20- قاراشا الماتىدا MANIZHA ونەر كورسەتەدى. بۇل ءانشى دە 2022-جىلى اقپاندا رەسەيدىڭ ۋكرايناعا باسىپ كىرۋىنە قارسى پىكىر بىلدىرگەن بولاتىن.
28- قاراشادا الماتىدا ديانا اربەنينا كونسەرت بەرەدى. اتاقتى رەسەيلىك ر و ك- ءانشى كوكتەمدە ۋكرايناداعى سوعىس جايلى جانە جاپپاي ءولىم جايلى ءان شىعارىپ، رەسەيلىكتەردى ءۇنسىز وتىرماۋعا شاقىردى.
massaget.kz