پرەزيدەنت سايلاۋى: الماتىعا قانشا شەتەلدىك بايقاۋشى كەلەدى
ونىڭ ايتۋىنشا، قالادا 600 سايلاۋ ۋچاسكەسى قۇرىلدى، ونىڭ ىشىندە 69 ى ازاماتتاردىڭ ۋاقىتشا تۇراتىن ورىندارىندا، 531 ءى ازاماتتاردىڭ تۇراقتى تىركەلگەن جەرلەرىندە قۇرىلدى. بۇگىندە الماتىدا 1 ميلليون 176 مىڭ سايلاۋشى بار. سايلاۋدىڭ ءتارتىبى مەن زاڭدىلىعىنىڭ ساقتالۋىنا سايلاۋ ۋچاسكەسىنىڭ ءتوراعاسى جاۋاپتى بولادى.
«داۋىس بەرۋ كۇنى سايلاۋ ۋچاسكەسىندە كوميسسيا، بايقاۋشىلار، سەنىم بىلدىرىلگەن ادامدار جانە باق وكىلدەرى بولادى. ءارقايسىندا اككرەديتتەۋ نورماسى بار. سايلاۋشىلار داۋىس بەرۋ ءۇشىن قانشا ۋاقىت قاجەت بولسا، سونشا ۋاقىت سايلاۋ ۋچاسكەسى عيماراتىندا بولادى»، - دەدى جاننا اسانوۆا. سپيكەر الماتىلىقتار الداعى كەزەكتەن تىس پرەزيدەنت سايلاۋىندا قالادا تىركەۋى بار-جوعىنا قاراماستان داۋىس بەرە الاتىنىن ەسكە سالدى. سايلاۋ كۇنى ءار اۋداندا ارنايى ۋچاسكەلىك سايلاۋ كوميسسيالارى جۇمىس ىستەيدى، وندا داۋىس بەرۋ ءۇشىن ءبىر كۇنگە تىركەلۋگە بولادى. كەلەسى كۇنى، ياعني 21- قاراشادا جۇيە سايلاۋ ۋچاسكەسىنىڭ مەكەنجايى بويىنشا تىركەلگەن ازاماتتاردى ەسەپتەن شىعارادى. بۇل رەتتە سايلاۋشىلار داۋىس بەرۋ كۇنى سايلاۋ ۋچاسكەلەرىندە قىزمەت كورسەتۋدىڭ ەكى ءتۇرى بولاتىنىن ۇمىتپاعان ءجون.
«ءبىرىنشىسى - سايلاۋ ۋچاسكەسى بويىنشا تىركەۋدە تۇرعان، ءبىراق ءوزىن تىزىمنەن تاپپاعان سايلاۋشىلارعا ارنالعان. بىزدە تىزىمدەر داۋىس بەرۋگە 20 كۇن قالعاندا شىعارىلادى، 30- قازاندا قاعاز تۇرىندە ءتۇسىرىلىپ، سايلاۋ ۋچاسكەلەرىنە تاپسىرىلدى. تىزىمدەر ۋچاسكەلەرگە بەرىلگەننەن كەيىن وزگەرىستەر بولۋى مۇمكىن، ادام تىركەۋىن وزگەرتۋى مۇمكىن، باسقا ايماقتان وسىندا تىركەلۋ ءۇشىن كوشۋى مۇمكىن، ول 18 جاسقا تولۋى مۇمكىن نەمەسە تەگى مەن اتى وزگەرۋى مۇمكىن. بۇل جاعدايدا ءسىز وسى سايلاۋشىنىڭ تىزىمدە بار-جوعىن جانە ونىڭ داۋىس بەرۋى ءۇشىن ونى تىزىمگە ەنگىزۋ تۋرالى كوميسسيانىڭ شەشىمىن تەكسەرۋگە مۇمكىندىك بەرەتىن قىزمەتتى پايدالانا الاسىز. بۇل تىزىمدەر شىعارىلىپ قويعاننان كەيىن تىركەلگەندەر ءۇشىن»، - دەدى ول.
سونىمەن قاتار، ول الماتىدا سايلاۋ بارىسىن 43 حالىقارالىق بايقاۋشى قاداعالايتىنىن ايتتى.
سايلاۋ كۇنى 55 سايلاۋ ۋچاسكەسى جۇمىس ىستەيدى، ولارعا الماتىدا تىركەۋى بولماعان جاعدايدا داۋىس بەرۋگە بولادى. ق ر باسقا وڭىرلەرىندە تىركەلگەن ازاماتتارعا داۋىس بەرە المايدى. باسقا وڭىرلەردىڭ ازاماتتارى ەسەپتەن شىعۋ كۋالىگىن الۋى كەرەك.