وسىنداي مازمۇندا قىتايلىق اقپارات پورتالى ماقالا جاريالادى دەپ حابارلايدى قازاقپارات.
«27 جاستاعى قازاق قىزى راميلا دابىل قىزى قىتايدىڭ ەڭ ءىرى لياۋنيڭ اسكەري اۆياماتكاسىندا قىزمەت ەتىپ جاتقانىنا بيىل 8 -جىلدان اسىپ بارادى. ول قازىرگى ۋاقىتتا الىپ كەمەگە قونعان سوعىس ۇشاعىنىڭ جىلجىماۋىنا كەپىلدىك ەتۋ مىندەتىن اتقاراتىن تەڭىز اسكەرىندەگى بىردەن- ءبىر ايەل ادام»، دەپ جازادى قىتايلىق باسىلىم.
اتالعان ب ا ق- تىڭ مالىمەتىنشە، راميلا دابىل قىزى دارىنىنى مەن ءبىلىم- بىلىگى، تاجىريبەسى ارقاسىندا قىزمەت ورنىندا ءوز قاتارلاستارىن تاڭعالدىرىپ كەلەدى.
ايتا كەتەيىك، راميلا دابىل قىزى 2014 -جىلى ورتا مەكتەپتى بىتىرگەننەن كەيىن اسكەرگە بارۋعا شەشىم قابىلدايدى. سول جىلى جەلتوقسان ايىندا اسكەري ەمتيحاننان ءوتىپ، لياۋنيڭ اۆياماتكاسىندا اسكەرلىك مىندەتىن وتەيدى. ول قازىرگى كەمەگە قونعان سوعىس ۇشاعىن ورنىقتىرۋشى مىندەتىن اتقارۋدان بۇرىن راديولوكاتسياداعى سارباز جانە وپەراتور بولىپ جۇمىس ىستەگەن. راميلا تۇڭعىش رەت اسكەري ۇشاقتى كورگەننەن كەيىن اۆياماتكانىڭ ۇشۋ-قونۋ الاڭىندا قىزمەت ىستەۋگە قىزىعۋشىلىق تانىتقان. ءسويتىپ، 2021 -جىلى ول ۇشاق ورنالاستىرۋ توبىنداعى بىردەن- ءبىر ايەل- تەڭىز اسكەرى بولۋ قۇرمەتىنە يە بولعان.
«بۇگىنگى كۇنى راميلا اتالعان جۇمىس ورنىندا قازاق قىزىنا ءتان قايسارلىعىمەن ءوز جۇمىسىندا لايىقتى، دايىندىعى مىعىم قىزمەتكەر ەكەنىن دالەلدەي الدى»، دەپ تۇيىندەيدى قىتايلىق «ورتالىق حالىق راديوسى» اقپارت پورتالى.
اۆتور
بەيسەن سۇلتان ۇلى