ق ر پرەزيدەنتى اكىمشىلىگىنىڭ كەلىسىمى بويىنشا ىشكى ىستەر ءمينيسترىنىڭ بۇيرىعىمەن ىشكى ىستەر مينيسترلىگى اپپاراتىنىڭ باسشىسى لاۋازىمىنا پوليتسيا گەنەرال-مايورى بەكيەۆ انال بوتاي ۇلى تاعايىندالدى.
انال بەكيەۆ الماتى وبلىسىنىڭ ىشكى ىستەر دەپارتامەنتى، ءى ءى م كادر ساياساتى دەپارتامەنتى، كولىكتەگى پوليتسيا دەپارتامەنتى باستىعىنىڭ ورىنباسارى بولىپ جۇمىس ىستەدى. ال 2019-جىلدىڭ قازان ايىندا ىشكى ىستەر مينيسترلىگىنىڭ كولىكتەگى پوليتسيا دەپارتامەنتىنىڭ باستىعى بولىپ تاعايىندالعان.
ۆەدومستۆو باسشىسى مينيسترلىك اپپاراتىنىڭ جاڭا باسشىسىنىڭ ءارتۇرلى جاۋاپتى لاۋازىمدارداعى ۇلكەن جۇمىس تاجىريبەسىن، سونداي-اق ونىڭ جوعارى كاسىبيلىگىن اتاپ ءوتىپ، جاڭا جۇمىس ورنىندا تابىس تىلەدى.
ءى ءى م باسشىسى مينيسترلىكتىڭ قىزمەتتەرىن ۇيلەستىرۋدىڭ، اقپاراتتىق-تالدامالىق قامتاماسىز ەتۋدىڭ، ۆەدومستۆودا جاڭا تاسىلدەر مەن جۇيەىشىلىك وزگەرىستەردى ازىرلەۋدىڭ ماڭىزدىلىعىن اتاپ ءوتتى.
مارات احمەتجانوۆ سونىمەن قاتار الماتى قالاسى پوليتسيا دەپارتامەنتى باستىعىنىڭ جاڭادان تاعايىندالعان ورىنباسارى داۋرەن وتەبايەۆتى تانىستىردى.
مينيستر باستىقتىڭ جاڭا ورىنباسارى اۋماقتىق بولىمشەنىڭ جۇمىسىن جاقسى بىلەتىنىن، قاراپايىم تەرگەۋشىدەن اۋداندىق پوليتسيا باسقارماسىنىڭ باسشىسىنا دەيىنگى بارلىق ساتىلاردان وتكەنىن اتاپ ءوتتى.
سونىمەن قاتار مەملەكەت باسشىسىنىڭ ءى ءى م الدىنا قويعان قىلمىستىڭ قۋاتتى توسقاۋىلى، قۇقىق ءتارتىبى مەن قاۋىپسىزدىكتى ءتيىمدى قامتاماسىز ەتۋ، الماتى قالاسىندا ازاماتتار مەن ولاردىڭ مۇلكىن قورعاۋ جونىندەگى ءبىرىنشى كەزەكتەگى مىندەتتەرىن بەلگىلەدى.