تەننيستەن قازاقستاندىق تورەشى كۇمىس بەلگى يەگەرى اتاندى

استانا. قازاقپارات - قازاقستاندىق يۋليا يگناتچەنكو مىنبەدەگى تورەشىنىڭ كۇمىس بەلگىسىنە يە بولدى، دەپ حابارلايدى قازاقپارات ءتىلشىسى.

قازاقستان تەننيس فەدەراتسياسىنان ءمالىم ەتكەنىندەي، يۋ. يگناتچەنكو الەمدىك تورەشىلەر قاۋىمداستىعىنان مۇنداي جوعارى اتاقتى قازاقستاندىقتار اراسىنان ءبىرىنشى بولىپ الىپ وتىر.

كۇمىس بەلگىگە (Silver Badge) قول جەتكىزۋ ءۇشىن كەمىندە حالىقارالىق دەڭگەيدەگى 60 ماتچقا قازىلىق ەتىپ، التىن بەلگىسى بار تورەشىلەر مەن سۋپەرۆايزەرلەردەن جاقسى باعا الۋ كەرەك. سوسىن ITF، ATP، WTA جانە Grand Slam جيىن وتكىزىپ، كىمگە بەرەتىنىن شەشەدى. كۇمىس بەلگى يەگەرلەرى «ۇلكەن دۋلىعادان» باستاپ كەز كەلگەن نەگىزگى جارىستارعا قازىلىق جاساي الادى.

«بىلىكتىلىگىمنىڭ ارتقانى جونىندە حات الدىم. بۇل - ۇلكەن قۋانىش. جىل اۋستراليا اشىق چەمپيوناتىنىڭ فينالىنا تورەشىلىك ەتۋدەن باستالىپ، وسىنداي تابىسقا قول جەتىپ وتىر. مەنى قولداعان وتباسىما، قازاقستان تەننيس فەدەراتسياسىنا، سەنگەن ادامداردىڭ بارىنە العىسىمدى بىلدىرەمىن»، - دەدى يۋليا يگناتچەنكو.

ەسكە سالا كەتەيىك، بۇدان بۇرىن قازاقستاندىق تەننيسشىلەردىڭ حالىقارالىق تۋرنيرلەردى جەڭىسپەن باستاعانىن جازعان بولاتىنبىز.

سونداي-اق قازاقستاندىق جاس تەننيسشى گرەكياداعى تۋرنيردە جەڭىمپاز اتاندى.