الماتىلىق ستۋدەنتتەردىڭ قانشا پايىزى عانا جاتاقحانامەن قامتىلعان
مۇنداي دەرەكتەردى ورتالىق كوممۋنيكاتسيالار قىزمەتىندە وتكەن بريفينگ بارىسىندا جۋرناليستەردىڭ سۇراعىنا جاۋاپ بەرگەن عىلىم جانە جوعارى ءبىلىم ۆيتسە-ءمينيسترى قۋانىش ەرعاليەۆ كەلتىردى، دەپ حابارلايدى قازاقپارات ءتىلشىسى.
«جالپى ەلىمىزدەگى 119 ۋنيۆەرسيتەتتىڭ 35 ءى الماتى قالاسىندا ورنالاسقان. سونىمەن قوسا، ستۋدەنتتەردىڭ 3/1 الماتىدا. ءبىر جاعىنان جاتاقحانا ماسەلەسى دە بولىپ تۇر. اقپاراتىمىز بويىنشا الماتىداعى ستۋدەنتتەردىڭ 54 پايىزى عانا ءتيىستى جاتاقحانامەن قامتاماسىز ەتىلگەن»، - دەپ جاۋاپ بەردى قۋانىش ەرعاليەۆ ب ا ق وكىلدەرىنىڭ سۇراعىنا وراي.
بۇعان دەيىن حابارلاعانىمىزداي، بيىل ستۋدەنتتەرگە ارنالعان جاتاقحانالاردا تولەماقى وسكەن. وسىعان قاتىستى ۆەدومستۆو تۇسىنىك بەرگەن بولاتىن. مينيسترلىك دەرەگىنشە، جاتاقحانا تولەماقىسىنىڭ وسۋىنە بيىلعى جىلى عيماراتتى كۇتىپ ۇستاۋ، قىزمەت كورسەتۋ شىعىندارى قۇنىنىڭ كوتەرىلۋى سەبەپ بولعان.
قوسا كەتەيىك، بۇعان دەيىن جاتاقحانا تاپشىلىعى ماسەلەسىن شەشۋ ءۇشىن مينيسترىلىك اعىمداعى جىلى 6 جاتاقحانا بوي كوتەرەتىنىن مالىمدەپ ەدى.