«ەكونوميكانى مونوپولياسىزداندىرۋ جۇمىسى ءجۇرىپ جاتىر، كوميسسيا ەسەبىن بەرىپ تۇرادى. ءسىزدىڭ سۇراعىڭىزدى جاقسى ءتۇسىنىپ تۇرمىن. ءوزىم دە وسى ەلدىڭ ازاماتىمىن، وسىندا تۋىپ- ءوستىم. ءاردايىم وسى ەلدە تۇرا بەرەمىن. مەنىڭ دە كۇتىپ جۇرگەن بەلگىلى ءبىر دۇنيەلەرىم بار. مەن دە كەيبىر نارسەلەردىڭ جىلدامىراق ىستەلگەنىن قالايمىن. بۇگىن ايتقان دۇنيە ەرتەڭ ىستەلىپ تۇرسا.. ءبىراق، مەملەكەتتىك باسقارۋ، ەكونوميكا، اسىرەسە نارىقتىق ەكونوميكا كۇردەلى پروتسەستەردەن تۇراتىنىن تۇسىنەتىن شىعارسىزدار. سوندىقتان جۇمىس ىستەلىپ جاتىر. ءبىراق كەيبىر دۇنيەلەردى الدەقايدا تياناقتى، ۇقىپتى ىستەۋ قاجەت»، - دەدى ول ب ا ق وكىلدەرىنىڭ سۇراعىنا بەرگەن جاۋابىندا.
پرەزيدەنت اكىمشىلىگى وكىلىنىڭ ايتۋىنشا، قازاقستاننىڭ مەملەكەتتىك بورىشى حالىقارالىق ستاندارتتان الدەقايدا تومەن.
«وزدەرىڭىز بىلەتىندەي، ءبىزدىڭ مەملەكەتتىك بورىش كوپ ەمەس. جالپى ىشكى ءونىمنىڭ 27 پايىزىنا تەڭ. ال الەمدىك جالپى ستاندارت - 50-60 پايىز»، - دەدى تيمۋر سۇلەيمەنوۆ.
اۆتور
ەسىمجان ناقتىباي