بۇل تۋرالى ق ح ر دەنساۋلىق ساقتاۋ ىستەرى جونىندەگى مەملەكەتتىك كوميتەتتىڭ مالىمدەمەسىندە ايتىلعان، دەپ حابارلايدى قازاقپارات مەنشىكتى ءتىلشىسى.
سوڭعى كۇندەرى وڭتۇستىك گۋاندۋن پروۆينتسياسىندا (COVID-19 جۇقتىرۋدىڭ 5,6 مىڭنان استام جاعدايى)، چۋنتسين قالاسىندا (2,9 مىڭنان استام)، حىنان پروۆينتسياسىندا (2,2 مىڭنان استام) جانە شىڭجاڭ-ۇيعىر اۆتونوميالىق اۋدانىندا (800 گە جۋىق جاعداي) اۋرۋ جۇقتىرۋشىلاردىڭ ارتقانى بايقالادى.
بەيجىڭدە كوروناۆيرۋستى جۇقتىرۋ قاۋپى جوعارى 240 تان استام تۇرعىن ءۇي اۋماعى بار. وتكەن تاۋلىكتە قىتاي استاناسىندا 450 دەن استام ادامنان كوروناۆيرۋس انىقتالدى. شەتەلدىك ەلشىلىكتەر، حالىقارالىق ۇيىمدار مەن ءىرى كورپوراتسيالاردىڭ وكىلدىكتەرى ورنالاسقان چاويان اۋدانىندا ەرەكشە كۇردەلى ەپيدەميولوگيالىق جاعداي قالىپتاسۋدا. وندا كوپتەگەن شەتەلدىكتەر دە تۇرادى.
بەيجىڭنىڭ مۋنيتسيپالدىق بيلىگى قىتاي استاناسىنىڭ تۇرعىندارىن كوپ سەرۋەندەمەۋگە، ەپيدەميولوگيالىق قاۋىپتى ايماقتارعا، بانكەتتەر مەن ادامدار كوپ جينالاتىن ورىندارعا بارماۋعا شاقىرادى.