ال ىندەتتىڭ تارالۋى قازاقستانعا جۇك جەتكىزۋ ىسىنە قالاي اسەر ەتىپ جاتىر؟ وميكرون پايدا بولا سالىسىمەن قىتايدا ىندەتتى جاپپاي جۇقتىرۋ وقيعالارى جيىلەدى. مىسالى، قازىر ەلدە كۇن سايىن 10 مىڭ ادامنان ۆيرۋس انىقتالۋدا. مىڭداعان تۇرعىن كارانتيندە. شەكتەۋ ىندەت تاراعان اۋداندارعا تاۋار تاسىمالداۋعا اسەر ەتكەن. ءبىراق ساراپشىلار ەلەكتروندىق پلاتفورمالار ارقىلى بەرىلگەن تاپسىرىستارعا ەش ىقپالى جوق دەيدى.
يۋان سياوتسزيۋن، كومپانيانىڭ كوپ مودەلدى تاسىمالدار جونىندەگى باس ديرەكتورى:
- قازىر ەلەكتروندىق ساۋدا مەن ماڭىزدى تاۋارلارعا قاتىستى جۇكتەردىڭ ءبارى قىتاي- ەۋروپا باعىتىمەن قاتىناپ جاتقان پويىزدار ارقىلى تاسىمالدانىپ جاتىر. قازاقستان مەن ورتالىق ازياعا بەت العان ۆاگوندار سانى دا ۇلعايدى. شەكتەۋلەرگە بايلانىستى قازاقستانمەن اراداعى ساۋداعا كوپ كوڭىل ءبولىنىپ وتىر. ءبىزدىڭ ەلدەر اراسىندا اۋە بايلانىسى دا تۇراقتالىپ كەلەدى. قىتايدا ىندەتپەن كۇرەس جەتىلدىرىلگەندىكتەن وتكىزۋ بەكەتتەرى قالىپتى رەجيمدە جۇمىس ىستەيتىن بولادى دەپ ويلايمىز. قىتايدا ىندەتتىڭ ءورشۋى ەلەكتروندىق ساۋداعا ەش كەرى ىقپال ەتپەگەن. ءبىراق ءبىزدىڭ كاسىپكەرلەر تاۋار جەتكىزۋدە ماسەلەلەر تۋىنداعانىن ايتادى.
الدىن الا اقپارعا قاراعاندا قىتايدان قازاقستانعا 1 مىڭعا جۋىق ۆاگون مەن كونتەينەر جەتكىزىلمەي تۇر. ونىڭ ىشىندە شىعىس جانە وڭتۇستىك- ازيا ەلدەرىنەن جونەلتىلگەن تاۋارلار دا بار.
ەرىك اۋباكىروۆ، «قازاقستان تەمىر جولى - جۇك تاسىمالى» ج ش س وڭتۇستىك- شىعىس ازياداعى وكىلدىك باسشىسى:
- قىتاي حالىق رەسپۋبليكاسىنداعى بىزبەن شەكارالاس شىنجاڭ ولكەسىندە قاتاڭ تۇردەگى ىندەتتىك احۋالعا بايلانىستى، ول جەردە كارانتيندىك شارالار كۇشەيتىلدى. سونىڭ سالدارىنان شەكارالاس شىنجاڭ ولكەسى قازىر توقسان كۇننەن استام جابىق كارانتينگە. شەكاراداعى قىتايلىق ءبىزدىڭ تەمىرجولشى ارىپتەستەرىمىز ءۇش ايدان استام ۋاقىت ۇيلەرىنە قايتا الماي، سول جەردە جۇمىس ىستەۋدە. ولاردىڭ جۇمىس ىستەۋ ناتيجەسى ارينە ءۇش ايدىڭ ىشىندە ەڭبەككە قابىلەتى ءسوزسىز تومەندەپ جاتىر. قازىر وسى جانە باسقا دا ماسەلەلەردى شەشۋ ءۇشىن تەمىرجول مەن وزگە دە قىزمەت وكىلدەرى كەزدەسىپ جاتىر. قۇجاتتى راسىمدەۋ جۇيەسى سيفرلاندىرىلعان. بۇل تاپسىرىستى ەرتە راسىمدەپ، تۇتىنۋشىلاردىڭ تاۋارىن ونلاين باقىلاۋىنا مۇمكىندىك بەرەدى. جالپى جاعداي وتكەن جىلمەن سالىستىرعاندا ءبىرشاما جاقسارعان. تاۋار تاسىمالداۋ تەمىرجولمەن بىرگە كولىك وتكىزۋ پۋنكتەرى ارقىلى دا جۇزەگە اسىرىلىپ جاتىر.
www.24.kz