ءۇش ەلدىڭ ارحيۆىنەن الاش قايراتكەرلەرى تۋرالى قۇجاتتار تابىلدى

استانا. قازاقپارات - رەسەي، وزبەكستان، تاتارستان مۇراعاتتارىنان الاش قوزعالىسى قايراتكەرلەرىنىڭ ءومىرى مەن قىزمەتىنە قاتىستى بۇرىن بەلگىسىز دەرەكتەر، قۇجاتتار مەن فوتوكوشىرمەلەر تابىلدى، - دەپ حابارلايدى عىلىم جانە جوعارى ءبىلىم مينسترلىگى ءتىل ساياساتى كوميتەتى.

ولاردىڭ ىشىندە احمەت بايتۇرسىن ۇلىنا، قازاق جازۋى نەگىزىندە جازىلعان «توتە جازۋ» تۋىندىلارىنا ارنالعان ن. پ. اننەنكوۆ- بەرناردىڭ «بەكەت» پەساسى، ماسكەۋدە 1936 -جىلى «الاش» قايراتكەرى م. سامات ۇلىنىڭ رەداكسياسىمەن جارىق كورگەن «قازاقستان سيفر تۇرعىسىنان» ەڭبەگى، (1920-1936 ج ج. قىسقاشا ستاتيستيكالىق انىقتاما) ەڭبەگى، دانداي ىسقاق ۇلىنىڭ اۋدارمالارى، «ۋچەبنيك كازاحسكوگو يازىكا دليا رۋسسكيح شكول» (7-8 كلاسس)، سول كەزدەگى قازاق مادەنيەتى، تاريحى، تۇرمىس-تىرشىلىگى تۋرالى باسقا دا ماتەريالدار بار.

يۋنەسكو اياسىندا اتالىپ وتىلەتىن احمەت بايتۇرسىن ۇلىنىڭ مەرەيتويى جالعاسىن تاۋىپ، تۇركىستاندا تويلانادى.

حالىقارالىق تۇركولوگتار كونگرەسىنىڭ باعدارلاماسىنا سايكەس تۇركيا، ازەربايجان، وزبەكستان، باشقۇرتستان جانە ەلىمىزدىڭ جەتەكشى ۋنيۆەرسيتەتتەرىنەن بەلگىلى عالىمدار بايانداما جاسايدى.

سونداي-اق، بايتۇرسىن ۇلىنىڭ جانە باسقا دا الاش قوزعالىسى قايراتكەرلەرىنىڭ شەتەل مۇراعاتتارىنان تابىلعان ماتەريالدارى، كىتاپحانالاردىڭ سيرەك قولجازبا قورلارى نەگىزىندە دايىندالعان جيناقتىڭ، بايتۇرسىن ۇلىنىڭ قازاق، اعىلشىن، ورىس، تۇرىك تىلدەرىندەگى تاڭدامالى شىعارمالارى مەن 12 تومدىق شىعارمالار جيناعىنىڭ تۇساۋكەسەرى وتەدى.

ەسكە سالايىق، بۇعان دەيىن قازاقستاندىق عالىمدار ازەربايجان مۇراعاتىنان قازاق ءتىل ءبىلىمى مەن ادەبيەتتانۋ عىلىمىنىڭ نەگىزىن سالۋشى احمەت بايتۇرسىنوۆ تۇسىرىلگەن ۆيدەونى تاپقان ەدى.