بۇل جايىندا سەنات دەپۋتاتتارىنىڭ ساۋالىنا ق ر پرەمەر-ءمينيسترى ءاليحان سمايىلوۆتىڭ جاۋابىندا ايتىلعان، دەپ حابارلايدى قازاقپارات ءتىلشىسى.
«مەملەكەتتىك شەكارانى مەجەلەۋ ءراسىمى بارلىق شەكارالاس مەملەكەتتەرمەن جۇرگىزىلدى. ءتيىستى حالىقارالىق شارتتار راتيفيكاتسيالاندى. قىتايمەن، تۇرىكمەنستانمەن جانە قىرعىزستانمەن مەملەكەتتىك شەكارانى تولىق قۇقىقتىق رەسىمدەۋ اياقتالىپ، شەگەندەۋ تۋرالى ءتيىستى حالىقارالىق شارتتار راتيفيكاتسيالاندى»، - دەدى ۇكىمەت باسشىسى جاۋابىندا.
ونىڭ دەرەگىنشە، وزبەكستانمەن شەكارانى شەگەندەۋ تۋرالى شارتقا وسى جىلدىڭ سوڭىنا دەيىن قول قويۋ جوسپارلانىپ وتىر.
«رەسەيمەن شەگەندەۋ ءراسىمى اياقتالۋ ساتىسىندا»، - دەپ اتاپ وتەدى ءاليحان سمايىلوۆ.