بۇل تۋرالى پارلامەنت ماجىلىسىندەگى ۇكىمەت ساعاتىندا ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ ايتتى، دەپ حابارلايدى قازاقپارات ءتىلشىسى.
ونىڭ ايتۋىنشا، قازاقستاندا جان باسىنا شاققاندا بالىق ونىمدەرى از مازىرىندە سيرەك كەزدەسەدى. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە، ءبىر ادام جىلىنا كەمىندە 16 كەلى بالىق ونىمدەرىن الۋى كەرەك. ەلىمىزدە بۇل كورسەتكىش 4 كەلىدەن از.
سوندىقتان بۇل كورسەتكىشتى ارتتىرۋ قاجەت. ءوز كەزەگىندە كورشىلەس رەسەيدە ءبىر ادام 23 كەلى، ال قىتايدا 43 كەلى بالىق الادى.
سونىمەن قاتار مينيستر ەلىمىزدە بالىقتى تاعام رەتىندە ءتيىستى دەڭگەيدە ەلەمەۋى سالدارىنان، 2025 -جىلدان باستاپ بالىق ونىمدەرىن وتكىزۋدە قيىندىقتار بولۋى مۇمكىن.
«بالىق ونىمدەرىن وتكىزۋ ماسەلەسىن زاڭنامالىق دەڭگەيدە شەشۋ ءۇشىن ءبىلىم، دەنساۋلىق جۇيەسىندەگى مەملەكەتتىك ۇيىمدارىن، ىشكى ىستەر، قارۋلى كۇشتەر، قىلمىستىق- اتقارۋ جۇيەسى ورگاندارىن بالىقتى تاماقتانۋ راتسيونىنا ەنگىزۋدى جانە وتاندىق وندىرۋشىلەردەن بالىق ونىمدەرىنىڭ كەپىلدىك بەرىلگەن كولەمىن باسىم تارتىپپەن ساتىپ الۋدى مىندەتتەۋ ۇسىنىلادى»، - دەدى مينيستر.
اۆتور
رۋسلان عابباسوۆ