ەلدەر اراسىنداعى شەكارالاردىڭ جابىلۋ كەزەڭىندە كوپتەگەن اۆياكومپانيالار استانا اۋەجايىن ەۋروپادان ازياعا جانە كەرى قايتار جولدا ترانزيتتىك ايالداما رەتىندە پايدالانا باستادى. ىشكى ساياساتتى قايتا قاراپ، مۋلتيمودالدى جانە ترانزيتتىك جۇك تاسىمالىنا ءباس تىگۋ دۇرىس شەشىم بولدى، - دەپ حابارلايدى Kaz.tengritravel.kz ءتىلشىسى اۋەجاي باسپا ءسوز قىزمەتىنە سىلتەمە جاساپ.
ايتا كەتۋ كەرەك، اۋەجايدىڭ يدەالدى گەوگرافيالىق ورنالاسۋى قىتايدان ەۋروپاعا ۇشۋ كەزىندە جۇك اۆياكومپانيالارىنىڭ شىعىندارىن ازايتادى، ال جەردەگى قىزمەت كورسەتۋ مەن اۆياوتىننىڭ باسەكەگە قابىلەتتى باعالارى باسقا اۋەجايلار مەن ەلدەردەن ترانزيتتىك رەيستەردى تارتۋعا قوسىمشا ىنتالاندىرۋ بولدى.
«جۇك ينفراقۇرىلىمى - اۋەجايدى دامىتۋداعى باسىمدىق. جۇك ينفراقۇرىلىمىن دامىتۋ، جۇك تەرمينالدارىن كەڭەيتۋ - ءبىز ءۇشىن باسىم باعىت. ايتا كەتۋ كەرەك، نۇرسۇلتان نازاربايەۆ حالىقارالىق اۋەجايىنىڭ ورتالىق ازياداعى ەڭ ۇزدىك جەرۇستى ينفراقۇرىلىمى مەن ارنايى تەحنيكالىق جابدىقتارى بار، بۇل رەيستەرگە جىلدام ءارى ساپالى قىزمەت كورسەتۋگە مۇمكىندىك بەرەدى. اۋەجايدىڭ ۇشۋ- قونۋ جولاعى - ورتالىق ازياداعى ەڭ ۇزدىكتەردىڭ ءبىرى. ول ي ك ا و ءى ءى ءى ا ساناتىنا سايكەس كەلەدى جانە كەز كەلگەن اۋا - رايىندا اۋە كەمەلەرىنىڭ بارلىق تۇرلەرىن قابىلداۋعا جانە شىعارۋعا مۇمكىندىك بەرەدى»، - دەدى «نۇرسۇلتان نازاربايەۆ حالىقارالىق اۋەجايى» ا ق باسقارما ءتوراعاسى داۋلەت حامزين فلوريدا شتاتىنىڭ مايامي قالاسىندا، ا ق ش-تا وتكەن «Air Cargo Forum«حالىقارالىق فورۋمىندا.
ماماننىڭ ايتۋىنشا، قازىر اۋەجاي جىلىنا 3000 نان اسا جۇك ترانزيتتىك رەيستەرىنە قىزمەت كورسەتەدى، ال «كوروناۆيرۋس» جىلدارىنا دەيىن بۇل كورسەتكىش ءتىپتى 50 ترانزيتتىك جۇك رەيستەرىنە جەتكەن جوق. اۋەجاي دامۋ ستراتەگياسىنىڭ نەگىزگى باعىتتارىنىڭ ءبىرى رەتىندە اۋە جۇكتەرىن دامىتادى. جاڭا ستراتەگيانىڭ ارقاسىندا استانا اۋەجايى 2022 -جىلدىڭ 10 ايىنىڭ قورىتىندىسى بويىنشا جاقسى وندىرىستىك كورسەتكىشتەرگە يە. ماسەلەن، وسى كەزەڭدە 2930 جۇك رەيسى جۇزەگە اسىرىلدى، جۇك اينالىمى 8 مىڭ توننادان استى.
2022 -جىلدىڭ 8-11-قاراشاسى ارالىعىندا وتەتىن فورۋم الەمنىڭ ءارتۇرلى ەلدەرىنەن 4000 عا جۋىق اۆياتسيا سالاسىنىڭ وكىلدەرىن جينادى. داۋلەت حامزين ءتۇرلى كومپانيالارمەن ءبىرقاتار كەزدەسۋلەر وتكىزدى. «National Airlines» اۆياكومپانياسىنىڭ وكىلدەرىمەن 2023 -جىلى چارتەرلىك رەيستەردى ورىنداۋ جونىندەگى جوسپارلار تالقىلاندى، قازىرگى ۋاقىتتا رەيستەردىڭ كەستەسى مەن باعدارلاماسى قالىپتاستىرىلۋدا.
Challenge Airlines كومپانياسىمەن ىنتىماقتاستىقتى ودان ءارى دامىتۋ، ەۋروپادان استاناعا جانە استانادان قىتايعا جۇكتەردى جەتكىزۋ بويىنشا كوممەرتسيالىق جۇك رەيستەرىن ورىنداۋ پەرسپەكتيۆالارى قارالدى. سونداي-اق، Ethiopian Airlines, Magma Aviation, Polar Cargo, Atlas Air اۆياكومپانيالارىمەن جانە ەلوردالىق اۋەجايدىڭ ترانزيتتىك الەۋەتىنە مۇددەلى باسقا دا ءتۇرلى لوگيستيكالىق كومپانيالارمەن كەلىسسوزدەر جۇرگىزىلدى.