قاتەسى بار مەكتەپ وقۋلىقتارى قايتا باسىلىپ شىعارىلماق

استانا. قازاقپارات - «اشىق ن ق ا» پورتالىندا وقۋ-اعارتۋ مينيسترلىگىنىڭ باسپا قاتەمەن باسىلعان وقۋلىقتاردى قايتا شىعارۋعا مىندەتتەيتىن بۇيرىعىنىڭ جوباسى جاريالاندى، دەپ حابارلايدى قازاقپارات ءتىلشىسى.

اتالعان بۇيرىقتىڭ جاڭا نۇسقاسىندا بۇرىن بولماعان 24-1 تارماق ۇسىنىلىپ وتىر. ونىڭ مازمۇنى مىناداي:

وقۋلىقتى باسىپ شىعارۋ قۇقىعىنا يە بولعان باسپا مەملەكەتتىك ساتىپ الۋ تۋرالى كەلىسىمشارت بويىنشا جەرگىلىكتى اتقارۋشى ورگاندار ساتىپ العان وقۋلىقتار مەن وقۋ- ادىستەمەلىك كەشەننىڭ تيراجىن كەلەسى جاعدايدا اۋىستىرادى:

1) پاندىك ساراپتاما كوميسسياسى بەكىتكەن نۇسقادان اۋىتقۋ سالدارىنان جىبەرىلگەن قاتەلەر جانە باسقا دا كەمشىلىكتەر انىقتالعاندا؛

2) ارنايى كوميسسيا قولدانىستاعى وقۋلىقتار مەن وقۋ-ادىستەمەلىك كەشەندە جالپىعا تانىمال جانە عىلىمي فاكتىلەردىڭ بۇرمالانۋىن، مالىمەتتەردە (وقيعا، كۇنى، اتى، تەگى، اكەسىنىڭ اتى، اتاۋى، دايەكسوز، انىقتاما، زاڭدىلىق، ەرەجە، اكسيوما، يلليۋستراتسيا اتاۋىندا) فاكتولوگيالىق قاتەلىكتەردىڭ جىبەرىلۋىن راستاعاندا.

بۇيرىق جوباسنىدا مۇنداي ارنايى كوميسسيا ءبىلىم مازمۇنىن ساراپتاۋ ورتالىعىنىڭ قولدانىستاعى وقۋلىقتا جانە وقۋ- ادىستەمەلىك كەشەندە قاتە (قاتەلەر) تابىلعان جانە ونى باسپا مويىنداماعان جاعدايدا قۇرىلاتىنى ايتىلعان.

«كوميسسيا قۇرامىنا عىلىمي، ءبىلىم بەرۋ جانە قوعامدىق ۇيىمداردىڭ وكىلدەرى ەنەدى. ولاردىڭ سانى تاق جانە بۇرىن ساراپتاماعا قاتىسپاعان بولۋى قاجەت. شەشىم باسپانىڭ دالەلدەرىنە قاتىستى ىقتيمال قاتەلىكتەردى جان- جاقتى جانە وبەكتيۆتى قاراۋ نەگىزىندە قاراپايىم كوپشىلىك داۋىسپەن قابىلدانادى. كوميسسيا مۇشەلەرىنىڭ جۇمىسىنا اقى تولەنبەيدى»، - دەپ جازىلعان قۇجاتتا.

قۇجات 28-قاراشاعا دەيىن قوعام تالقىلاۋىنا ۇسىنىلىپ وتىر.