«بۇگىن جەرگىلىكتى ۋاقىتپەن ساعات 16:20-دا بەيوگلۋ اۋدانىنداعى يستيكليال كوشەسىندە جارىلىس بولدى. وقيعا ورنىنا جەدەل جاردەم، قۇتقارۋشىلار، قاۋىپسىزدىك كۇشتەرى مەن AFAD بريگادالارى دەرەۋ جونەلتىلدى. قۇرباندان مەن زارداپ شەككەندەر بار. قوسىمشا اقپارات تاعى جاريالانادى»، - دەپ جازدى ستامبۋل گۋبەرناتورى الي يەرليكايا Twitter- دە.
جارىلىستىڭ نەدەن بولعانى ازىرگە بەلگىسىز. جاراقات العانداردىڭ ءبىرقاتارى جاقىن ماڭداعى اۋرۋحانالارعا جەتكىزىلگەن.
پوليتسيا قاۋىپسىزدىك شارالارىن قابىلداپ، كوشەدەگى جاياۋ جولاۋشىلار مەن كولىك قوزعالىسىن توقتاتتى. سونىمەن قاتار، «تاكسيم» مەشىتى جابىلدى. اۋماققا اۋەدەن تىكۇشاق ارقىلى باقىلاۋ جۇرگىزىلىپ وتىر.
ىستامبۇل گۋبەرناتورى يەرليكايا بۇعان دەيىن 4 ادام قازا تاۋىپ، 38 ادام جارالانعانىن حابارلاعان بولاتىن. ال قازىرگى كەزدە جارىلىستان قازا تاپقاندار سانى 6-عا جەتىپ، 53 ادام جارالانعانى انىقتالدى.
ىستامبۇل باس پروكۋراتۋراسى جارىلىسقا قاتىستى تەرگەۋ جۇمىستارىن باستادى. جارىلىسقا قاتىستى بارلىق بەينە جانە اۋديو جاڭالىقتاردى تاراتۋعا تىيىم سالىندى.
الىنعان مالىمەت بويىنشا، ىشكى ىستەر ءمينيسترى سۇلەيمان سويلۋ مەن ادىلەت ءمينيسترى بەكير بوزداگ ستامبۋلعا كەتكەنى بەلگىلى بولدى.
اۆتور
گۇلنۇر عازيز قىزى