جانىبەك ءالىمحان ۇلى بۇگىنگى جەكپە-جەك جايىندا پىكىر ءبىلدىردى
ا ق ش- تىڭ لاس ۆەگاس قالاسىندا وتكەن جەكپە-جەكتە جانىبەك ءالىمحان ۇلى (12-0، 8 ك و) بريتانيالىق دەنزەل بەنتليمەن (17-1-1، 14 ك و) قولعاپ ءتۇيىستىردى.
ون ەكى راۋندقا سوزىلعان جەكپە-جەكتە تورەشىلەر شەشىمىمەن جەڭىس جانىبەك ءالىمحان ۇلىنا بەرىلدى.
«بۇل بوكس. شارشى الاڭعا بوكسشىلار 0 دايىندىقپەن كەلەدى. قارسىلاسىڭ دا سونداي ازىرلىكتە بولادى. مەن بەنتليگە قۇرمەتپەن قارايمىن. ونىڭ دايىندىعىنا ەشقانداي كۇماندانعان جوقپىن. بۇل - مەنىڭ 12 راۋندقا سوزىلعان العاشقى جەكپە-جەگىم. ءالى كوپ جۇمىس جاساۋىم كەرەك. قاتەلىكتەردى قايتالاماۋ ءۇشىن ەڭبەكتەنەمىن»، - دەدى جانىبەك ءالىمحان ۇلى جەكپە-جەكتەن كەيىنگى سۇحباتىندا.
جانىبەك ءالىمحان ۇلى 1993-جىلى 1- ساۋىردە دۇنيەگە كەلگەن. اۋەسقوي بوكستا 2013-جىلى الەم جانە ازيا چەمپيونى اتانسا، 2014-جىلى ازيا ويىندارىندا جەڭىمپاز بولدى.
2016-جىلدان بەرى كاسىپقوي بوكستا سىنعا ءتۇسىپ ءجۇر.