سترەستى ەلەمەۋ
كوپ ادام جان ساۋلىعىنىڭ ماڭىزدىلىعىن ەلەمەيدى. ەگەر ءاردايىم دەپرەسسيادا بولىپ، ۇنەمى الاڭداۋشىلىقپەن ءومىر سۇرسەڭىز، بۇل قورقىنىشتى ەمەس، ارينە. بۇدان ەشكىم ولمەيدى. الايدا، شىن مانىندە، سترەسس جانعا دا، تانگە دە اسەرىن كەرى تيگىزەدى. جانە ول جۇيكە نەگىزىندە قورقىنىشتى ءتۇس كورۋگە اسەر ەتەدى.
كوپ ويلاۋ ادەتى
دارىگەردىڭ ايتۋىنشا، قانداي دا ءبىر جاعدايدان العان اسەر دە ءتۇس كورۋگە تىكەلەي بايلانىستى بولادى. سوندىقتان جاڭالىق وقۋعا ارنايى ۋاقىت بولگەنىڭىز دۇرىس. مىسالى، كۇنىنە جارتى ساعات، ءبىراق ودان كوپ ەمەس.
ىشىمدىك پەن ەسىرتكىنى تەرىس پايدالانۋ ادەتى
ىشىمدىك دەنەگە ۋلى اسەر ەتەدى. ادام ىشىمدىك ىشكەننەن كەيىن ۇيىقتاپ جاتقاندا دا، ونىڭ اعزاسى ەتانولدى بەيتاراپتاندىرۋمەن اينالىسادى، ال اعزا ءۇشىن بۇل - سترەسس. سوندىقتان مۇنداي ادەت تە قورقىنىشتى ءتۇس كورۋگە اسەر ەتۋى مۇمكىن.
ۇيىقتار الدىندا ارتىق تاماقتانۋ ادەتى
«ەگەر ءسىز تاڭعى اس ىشپەي، ورنىنا توقاشپەن تاماقتانساڭىز جانە كەشكى اس كەزىندە اسقازانىڭىزدى تولتىرساڭىز، ءبىرتۇرلى ءتۇس كورگەنىڭىزگە تاڭعالماڭىز»، - دەيدى سوفيا چەركاسوۆا.