سۋپەركومپيۋتەر اقىرزامان بولاتىن جىلدى انىقتادى

سۋپەركومپيۋتەر 2040-2050-جىلدارى ادامزات وركەنيەتىنىڭ كۇيرەيتىنىن بولجاعان.

بۇل تۋرالى Aikyn.kz باسىلىمعا سىلتەمە جاساپ حابارلايدى.

ادامزات وركەنيەتىنىڭ كۇيرەيتىنى راس پا؟ وركەنيەتكە تونگەن قاۋىپتىڭ الدىن الۋعا عالىمدار دا، الەم ساياساتكەرلەرى دە ويلانۋى ءتيىس.

1970-جىلدارى ريم كلۋبى تاپسىرىس بەرگەن كومپيۋتەر جەردەگى وركەنيەت 2050-جىلى اپات بولادى دەپ ەسەپتەيدى.

اقىرزاماننىڭ سەبەبى ادامداردىڭ ءومىر ءسۇرۋ داعدىلارىمەن بايلانىستى، اتاپ ايتقاندا، قورشاعان ورتانىڭ لاستانۋى مەن ونىڭ جاعىمسىز سالدارى بولماق.

«شامامەن 2040 جانە 2050-جىلدار ارالىعىندا بۇل پلانەتادا ءبىز بىلەتىن وركەنيەتتى ءومىر جويىلادى»، - دەلىنگەن بولجامدا.

ءتىپتى «ەكولوگيالىق تازا» اۆتوكولىكتەرگە تولىق كوشۋ جانە تۋۋدى قاتاڭ باقىلاۋ دا جاعدايدى وڭالتا المايدى.

The Daily Star سونىمەن قاتار World One-نىڭ 2020-جىلعا ارنالعان بۇرىنعى بولجامىندا پلانەتانىڭ جاعدايى «وتە قيىن» بولادى دەپ مالىمدەگەنىن ەسكە سالادى.

كليماتتى بولجاۋ مامانى يوحان روكسترەم بۇعان دەيىن 50 جىلدان از ۋاقىتتا برازيليادان، ءۇندىستاننان، افريكانىڭ كەيبىر بولىكتەرىنەن جانە تاياۋ شىعىستان اۋا تەمپەراتۋراسىنىڭ كوتەرىلۋىنە بايلانىستى جاپپاي ەميگراتسيا باستالۋى مۇمكىن ەكەنىن ايتتى.

عالىمنىڭ بولجامى بويىنشا، 2,4 گرادۋس جىلىنۋ جەرگە الدىن الا بولجاۋ مۇمكىن ەمەس قاۋىپ توندىرەدى جانە ءومىردى كۇرت وزگەرتەدى.

مۇمكىن، پلانەتانىڭ ءبىر بولىگى ءومىر ءسۇرۋدى توقتاتادى. ادامزات وركەنيەتىنىڭ سىناققا جاقىن قالعانى عالىمداردى دا، الەم ەلدەرىن دە ويلاندىرۋى ءتيىس.