پورتال مالىمەتىنشە، قالادا تاۋلىگىنە 2 مىڭ جاعداي انىقتالعان. 19 ميلليون حالقى بار قالا بيلىگى تۇرعىنداردى مۇمكىندىگىنشە ۇيدەن جۇمىس ىستەۋگە شاقىردى. سونىمەن قاتار، جاپپاي تەستىلەۋ جۇرگىزىلىپ جاتىر. گۋانجوۋدىڭ كوپتەگەن اۋدانىندا كوروناۆيرۋس شەكتەۋلەرى بار. قىتايدا كەيىنگى تاۋلىكتە 8,8 مىڭ ۆيرۋس جۇقتىرعان ادام بارى انىقتالعان.
Deutsche Welle مالىمەتىنشە، قىتاي تۇراقتى كوميتەتىنىڭ وكىلدەرى پرەزيدەنت شي جينپيڭنىڭ «نولدىك COVID-19» ساياساتىن ۇستانۋعا ۋادە بەرگەن.
«ءبىز ادامداردىڭ ءومىرى مەن دەنساۋلىعىن بارىنشا قورعايمىز جانە ەپيدەميانىڭ ەكونوميكالىق، الەۋمەتتىك دامۋعا اسەرىن بارىنشا ازايتامىز»، - دەلىنگەن كوميتەت مالىمدەمەسىندە.
ەسكە سالايىق، بۇعان دەيىن قىتايدا الەمدەگى ەڭ ءىرى iPhone زاۋىتى كارانتينگە جابىلعان ەدى.