«بۇعان دەيىن ايتقانىمداي، ءبىز جاڭا جىلعا دەيىن بەنزين باعاسىن كوتەرگەلى وتىرعانىمىز جوق. جالپى، كەلەسى جىلعا دا ازىرشە قورىمىز بار. دەگەنمەن، ارينە ءبارىن جاعدايعا بايلانىستى قاراستىراتىن بولامىز»، - دەدى بولات اقشولاقوۆ سەناتتىڭ جالپى وتىرىسىنان كەيىن ب ا ق وكىلدەرىنىڭ ساۋالىنا وراي.
تاياۋدا مينيستر «قازاقستاننىڭ جانار-جاعارماي قۇيۋ بەكەتتەرىندە اي-92 بەنزينى نەگە ارزاندامايدى؟» دەگەن سۇراققا جاۋاپ بەرگەن بولاتىن.
«كەرىسىنشە، ءبىز اي-92 ماركالى بەنزين باعاسىنىڭ تۇراقتىلىعىن ۇستاپ تۇرمىز. قازىرگى مىندەت - سول باعانى ساقتاپ قالۋ. اي-92 باعاسى 182 تەڭگەدەن باستاپ، كەيبىر وڭىرلەر 187 تەڭگەگە بەلگىلەۋگە ءماجبۇر بولدى. سەبەبىن تۇسىندىرەيىن. مىسالى، ش ق و، بۇل ءوڭىر مۇناي وڭدەۋ زاۋىتتارىنان شالعاي ورنالاسقان. ياعني بەنزيندى جەتكىزۋ تەك اۆتوۆوزدارمەن جۇزەگە اسىرىلادى. تەمىرجول قاتىناسى جوق. سوندىقتان جەكەلەگەن وڭىرلەردە اي-92 بەنزينى باعاسىن 187 تەڭگەگە دەيىن كوتەرۋگە كەلىستىك»، - دەگەن ەدى بولات اقشولاقوۆ.