«مەملەكەت باسشىسىنىڭ بيۋدجەتتىك جوسپارلاۋدى جەڭىلدەتۋ جونىندەگى تاپسىرماسىن ىسكە اسىرۋ ءۇشىن بيۋدجەتارالىق ترانسفەرتتەردى قىسقارتۋ بويىنشا جۇمىس باستالدى. بىرىنشىدەن، جەرگىلىكتى بيۋدجەتتىڭ بازاسىنا اعىمداعى نىسانالى ترانسفەرتتەردىڭ كولەمى ولاردىڭ نىسانالى ماقساتىن ساقتاي وتىرىپ بەرىلۋدە. جوسپارلى كەزەڭدە ولاردىڭ جالپى سيپاتتاعى ترانسفەرتتەر كولەمىندەگى ۇلەسى ورتا ەسەپپەن 60 پايىزدى قۇرايدى. بۇل بيۋدجەتتىك راسىمدەردى جەڭىلدەتۋدى جانە بيۋدجەت قاراجاتىن تۇپكىلىكتى الۋشىلارعا ۋاقتىلى جەتكىزۋدى قامتاماسىز ەتەدى. ەكىنشىدەن، زاڭ جوباسىمەن دونور- وڭىرلەر ءۇشىن بيۋدجەتتىك الىپ قويۋلار كولەمىن ازايتۋ جونىندەگى مىندەت بىرتىندەپ شەشىلۋدە. ولار ءۇشىن ەسەپتەۋلەردە ارنايى جوعارىلاتۋ كوەففيتسيەنتتەرى قولدانىلدى، بۇل وزىندىك كىرىستەرىندەگى الىپ قويۋلاردىڭ ۇلەسىن 2022 -جىلى 31 پايىزدان ءۇش جىلدىق كەزەڭدە 18 پايىزعا دەيىن تومەندەتۋگە مۇمكىندىك بەرەدى»، - دەدى مينيستر «رەسپۋبليكالىق جانە وبلىستىق بيۋدجەتتەر، رەسپۋبليكالىق ماڭىزى بار قالالاردىڭ، استانانىڭ 2023-2025 -جىلدارعا ارنالعان بيۋدجەتتەرى اراسىنداعى جالپى سيپاتتاعى ترانسفەرتتەردىڭ كولەمى تۋرالى» زاڭ جوباسىن تانىستىرا كەلە.
ونىڭ اتاپ وتۋىنشە، بازالىق قىزمەتتەرگە تەڭ قولجەتىمدىلىكتى قامتاماسىز ەتۋگە قاتىستى بيۋدجەتارالىق قاتىناستاردىڭ نەگىزگى قاعيداتىن ىسكە اسىرۋ ماقساتىندا وڭىرلەردىڭ ەرەكشەلىكتەرىن ەسەپكە الۋ بويىنشا تاسىلدەر قولدانىلدى. بۇل رەتتە، جەرگىلىكتى بيۋدجەتتەردىڭ شىعىستارىن وبەكتيۆتى ەسەپكە الۋعا مۇمكىندىك بەرەتىن وڭىرلەردىڭ الەۋمەتتىك- ەكونوميكالىق جاي- كۇيى اراسىنداعى ايىرماشىلىقتاردى نەگىزدەيتىن سالالىق كوەففيتسيەنتتەر جاڭارتىلدى. بۇل جوسپارلى كەزەڭدە ولاردىڭ بيۋدجەتتىك قامتاماسىز ەتىلۋىن تەڭەستىرۋ ءۇشىن وڭىرلەردىڭ اعىمداعى شىعىندارىنىڭ بولجامىن ورتا ەسەپپەن 1,1 تريلليون تەڭگەگە نەمەسە 23 پايىزعا ارتتىرۋعا مۇمكىندىك بەردى.
«اتالعان تاسىلدەردى ەسكەرە وتىرىپ، زاڭ جوباسىندا ءۇش دونور ءوڭىر - استانا جانە الماتى قالالارى، اتىراۋ وبلىسى بەلگىلەندى. ولار بويىنشا بيۋدجەتتىك الىپ قويۋلار مىناداي كولەمدەردە ايقىندالعان: 2023 -جىلى - 432 ميلليارد تەڭگە؛ 2024 -جىلى - 469 ميلليارد تەڭگە؛ 2025 -جىلى - 504 ميلليارد تەڭگە. قالعان 17 ءوڭىر بويىنشا بيۋدجەتتىك سۋبۆەنتسيالار كولەمى 2023 -جىلى - 5,0 تريلليون تەڭگەنى؛ 2024 -جىلى - 5,3 تريلليون تەڭگەنى؛ 2025 -جىلى 5,8 تريلليون تەڭگەنى قۇرادى»، - دەدى الىبەك قۋانتىروۆ.
فوتو: notilus.es
اۆتور
مارلان جيەمباي